ՔՊ-ն Երևանում մերժված է
«Ժողովուրդ» օրաթերթը գրում է.
««Ժողովուրդ» օրաթերթը տեղեկացավ, որ ՔՊ-ականները՝ իշխանական վերնախավից հրահանգ ունեն ակտիվ հանդիպումներ սկսել Երեւանի տարբեր վարչական շրջաններում, ինչպես նաեւ կազմակերպել առանձին հանդիպումներ ՀՀ քաղաքացիների հետ: Բանն այն է, որ հայրենի իշխանություններն արդեն հստակ տեղեկություններ ունեն, որ 2026 թվականի խորհրդարանական ընտրություններում իրենք շատ լուրջ խնդիրներ են ունենալու Երեւանում:
Ավագանու ընտրություն(ներ)ը լակմուսի թուղթ է դարձել նրանց համար. ՔՊ-ն Երեւանում մերժված է: Ու դա է պատճառը, որ իշխանական վերնախավը հանդիպումների շարք է սկսել. ԱԺ նախագահից, Կառավարության անդամներից մինչեւ ՔՊ-ական պատգամավորներ պետք է անհատապես տեսակցություններ ունենան քաղաքացիների հետ:
Ի դեպ, ՔՊ-ականների առջեւ խնդիր է դրված իրական պատկեր ներկայացնել Նիկոլ Փաշինյանին, որպեսզի վերջինս հասկանա իր գլխի գալիքը: Նշենք, որ Ալեն Սիմոնյանն արդեն հայտարարել է, որ հանդիպելու է տարբեր վարչական շրջանների երիտասարդների հետ ու սկսելու է Էրեբունի վարչական շրջանից: Բայց արդյոք Սիմոնյանի հետ հանդիպելու ցանկություն կունենան երիտասարդները՝ դեռեւս հարց է»։
Առավել մանրամասն թերթի այսօրվա համարում
Հետևեք մեզ Facebook-ում