Ինչու է հիստերիկացել Նիկոլ Փաշինյանը

Նիկոլ Փաշինյանը երկու «ֆիշկա» ուներ: Դրանցով նա կարողանում էր խաբել մեր հանրության որոշ հատվածին և լեգիտիմ երևալ: Խոսքը ժողովրդավարության և կոռուպցիայի դեմ պայքարի առաջամարտիկ երևալուն էր վերաբերում: Հիմա դրանք չկան, քանզի նիկոլական իշխանությունը դարձել է հակաժողովրդավարության ու թալանի քայլող խորհրդանիշ:

2018-ին նա իշխանության եկավ արդարության հաստատման և թալանի դեմ պայքարի լոզունգներով: Ասում էր, որ խնամի-ծանոթ-բարեկամով կադրային հարցեր չեն լուծվելու, կոռուպցիա չի լինելու, թալանը վերադարձվելու է:

Արցախը և Հայաստանի տարածքները հանձնելուց հետո էլ ասում էր, որ «զատո» իշխանության աղբյուրը ժողովուրդն է և պետական միջոցները չեն մսխվում:

Ժամանակը ցույց տվեց, որ ստում էր: Հիմա շատ քիչ մարդ է մնացել, որ հավատում է, թե, իբր, Նիկոլը կոռուպցիայի դեմ է պայքարում ու թալան չկա: Միայն Տիգրան Ավինյանի ներգրավվածությունը ԱՆԻՖ-ի գործում և նրա կոռուպցիոն ռիսկերի մասին ողջամիտ կասկածները հերիք են, որպեսզի պայթի թալան չանելու մասին նիկոլենց փչած փուչիկը:

Մարդիկ տեսնում են նաև, որ ժողովրդավարություն կոչվածն էլ է բլեֆ, քանզի մարդու իրավունքները ոտնահարվում են ամենուրեք: Դե իսկ ընտրությունների ժամանակ վարչական ու այլ տիպի ռեսուրսներն օգտագործվում են նախորդների ոճով, իսկ շատ հաճախ՝ ավելի «բեթար» ձևով: Թեև դա արդեն չի օգնում. վկան Գյումրիի ընտրությունները:

Հենց այս ամենից էլ նյարդայնացած է Նիկոլ Փաշինյանը, քանզի գիտի, որ իր վարկանիշն իջել է պատմական նվազագույնի մակարդակի, իսկ հակավարկանիշը բարձրացել ու հասել է վտանգավոր չափերի: Դա է պատճառը, որ հենց խորհրդանարում կամ Երևանի ավագանիում ընդդիմությունը բարձրաձայնում է կոռուպցիայի, թալանի մասին, Նիկոլը հիստերիկանում է ու սկսում անձնական վիրավորանքներ հասցնել:

Իշխանության կորստի վախից Նիկոլը խրախուսում է նաև բռնությունը: Նոր Նորքում տեղի ունեցած խուլիգանությունը թալանը կոծկելու ձև էր: Քաղաքացուն վիրավորելով ու ծեծելով՝ Նիկոլն ու իր կոալիցիոն հաճախորդները ցանկանում են թալանի թեմայից շեղել հանրային ուշադրությունը: Բացի այդ՝ բռնության ու այլ տիպի հանցագործության իրականացմամբ, փորձ է արվում վախի մթնոլորտ ձևավորել: Երևանի ավագանու «Մայր Հայաստան» խմբակցության անդամ Գևորգ Ստեփանյանի կնոջ մեքենայի այրումը կարելի է դասել այդ վախի մթնոլորտի ձևավորման փորձերի շարքին:

Ու չնայած այս ամենին ու աթոռը պահելու հուսահատ փորձերին՝ Նիկոլը հասկանում է, որ իր վերջը մոտենում է: Դրա համար էլ դարձել է հիստերիկ:

Հայկ Ուսունց