Չենք պատրաստվում արտահերթ ընտրությունների. Փաշինյան (Տեսանյութ)
«Ինչ պետք է նկատի ՀՀ քաղաքացին՝ կնկատի»,- ԱԺ-Կառավարություն հարցուպատասխանի ժամանակ, արձագանքելով ՔՊ-ական պատգամավոր Հռիփսիմե Գրիգորյանի դիտարկմանը, թե «ընտրություններից առաջ Հայաստանի դեմ տարվում է հիբրիդային պատերազմ, որի տեղեկատվական բաղադրիչը սրվում է», ասաց վարչապետ Նիկոլ Փաշինյանը։
«Այստեղ մենք պետք է ավելի շատ նաև մեր անելիքների մասին խոսենք։ Ես գոնե իմ անելիքը տեսնում եմ՝ ՀՀ քաղաքացիների հետ հնարավորինս ուղիղ և չմիջնորդավորված շփումներ ունենալով»,- ասաց Փաշինյանը։
Նիկոլ Փաշինյանի խոսքով՝ արդեն տևական ժամանակ է՝ կան պնդումներ, որ կառավարությունը կամ քաղաքական մեծամասնությունը պատրաստվում է արտահերթ խորհրդարանական ընտրությունների, և ՝այդ պնդումները նրա հիման վրա են, որ իրենք քաղաքացիների հետ շփվում են։
«Ըստ իրենց՝ եթե պաշտոնյան անմիջական, մոտ տարածությունից քաղաքացի է տեսնում, ուրեմն դա ուղիղ ապացույցն է, որ կառավարությունը պատրաստվում է արտահերթ ընտորթյունների։ Իսկ մենք, ինչպես և նախկինում, չենք պատրաստվում արտահերթ ընտրությունների, մենք զբաղված ենք մեր ամենօրյա աշխատանքով և քաղաքացիների հետ շփումը դրա կարևոր մասն է»,-ասաց նա։
Աղբյուր՝ Aysor.am
Հետևեք մեզ Facebook-ում