«Այսօրվա իշխանություններին պետք է քննադատեն նրանք, ովքեր դա անելու բարոյական իրավունք ունեն»․ Բորիս Մուրազի

Լրագրող Բորիս Մուրազին ֆեյսբուքյան իր էջում գրել է․

«Այն, որ Մասիվի թաղապետը խուլիգան և հանցագործ վարք է դրսևորել, կասկած չի հարուցում։ «Քաղաքացիական պայմանագիր» կուսակցությունը, ընդհանուր առմամբ, խիստ խնդիրներ ունի կառավարման մշակույթի հետ (նույնքան խուլիգան ու հանցագործ են, որքան Մասիվի տգետ թաղապետը), սակայն երբ նախկին իշխանության ներկայացուցիչներն են քննադատում նրանց, ամբողջ պատկերը կորցնում է իր լրջությունը։ Երեկ լսեցի, թե ինչպես մեկն ասում էր՝ «Մեր օրոք հնարավո՞ր էր որևէ թաղապետ նման բան աներ և պահպաներ պաշտոնը»։ Թաղապետ՝ չգիտեմ, բայց Սյունիքի մարզպետ կար, որը տեսախցիկների առջև բռնություն կիրառեց Սիլվա Համբարձումյանի նկատմամբ և, այդուհանդերձ, շարունակեց պաշտոնավարել։ Ավելի ուշ նույնիսկ սպանության մեջ ներգրավվածության համար ազատվեց պաշտոնից, սակայն կարճ ժամանակ անց կրկին նշանակվեց։ Իմ ասելիքն այն է, որ այսօրվա իշխանություններին պետք է քննադատեն նրանք, ովքեր իսկապես ունեն բարոյական իրավունք դա անել»։