Տեղեկությունները, թե իբր ես վիրավորել եմ «թաղապետին», չեն համապատասխանում իրականությանը. Արթուր Չախոյան

Տեղեկությունները, թե իբր ես վիրավորել եմ «թաղապետին», չեն համապատասխանում իրականությանը։ Այս մասին իր ֆեյսբուքյան էջում գրել է ակտիվիստ Արթուր Չախոյանը, ում մեղադրանք է առաջադրվել խուլիգանության հոդվածով․

Մեսրոպ Մանուկյանի հրապարակած մանկապարտեզի տեսանյութում, որի առիթով «թաղապետը» զանգահարել է Արթուր Չախոյանին և միտումնավոր սպառնացել նրան, Արթուր Չախոյանի կողմից որևէ վիրավորական խոսք ոչ մեկի հասցեին, այդ թվում՝ «թաղապետի», չի հնչել։

Այսինքն՝ «թաղապետը» նախ ինքն է զանգահարել Արթուր Չախոյանին, սպառնացել, անցել կարմիր գիծը, իսկ այնուհետև հրապարակայնորեն հայտարարել. «Միտումնավոր եմ զանգել» և «Նորից եմ կրկնում՝ հայհոյել եմ, լավ եմ արել»։

Անհերքելի փաստերով արձանագրված է, որ «թաղապետը» զանգահարել է Արթուր Չախոյանին և միտումնավոր սպառնացել։ Երեկվա բռնությունը Արթուր Չախոյանի նկատմամբ այդ կազմակերպված սադրանքի շարունակությունն էր, ինչը հստակ երևում է տարբեր տեսանյութերում. Արթուր Չախոյանը խոսում է հանգիստ և զուսպ տոնով, կոչ անում կոռեկտ երկխոսության, սակայն արդյունքում նրան հարվածում են մեջքից։

Բոլոր այն տեղեկությունները, թե իբր Արթուր Չախոյանը վիրավորել է «թաղապետին», չեն համապատասխանում իրականությանը։ Նման լուրերի տարածումը հանդիսանում է զրպարտություն Արթուր Չախոյանի նկատմամբ, ինչը ՀՀ օրենսգրքով պատժելի արարք է, բայց, ինչպես տեսնում ենք, ոչ իշխանամետների համար»։