Փաշինյանի խուլիգան պաշտոնյաները. խմբակային հարձակվել և վարչական շենքում ծեծել են քաղաքացուն (տեսանյութ)

Նոր Նորք վարչական շրջանի ղեկավար Տիգրան Տեր-Մարգարյանը թաղապետարանի աշխատակիցների հետ դաժան ծեծի ենթարկեց ակտիվիստ Արթուր Չախոյանին։ Այս մասին գրում է Aysor.am-ը:

Արթուր Չախոյանը, մինչ այդ, Մասիվի թաղապետին  զգուշացրել էր, որ գնում է մասնակցելու հանրային քննարկմանը, որը նա է վարելու։

Թաղապետի ընդունարանում ակտիվիստին հանդիպեց թաղապետարանի աշխատակիցներից մեկը, ով հորդորեց խոսել քննարկումից հետո, ապա հայտարարեց, թե Չախոյանը «լավ տղա չէ»։

«Ես քեզ բան ունեմ ասելու, բայց առանց կամեռայի, հետո։ Էտ որ դու փորձում ես վիրավորել մարդկանց, պետք է պատասխան տաս դրա համար։ Էս շենքի բոլոր տղերքին ես վիրավորել»,-ասաց նա։

Չախոյանին մեկ այլ աշխատակից հետևից հարվածներ հասցրեց, ապա նրան միացան մյուս աշխատակիցները։ Թաղապետ Տեր-Մարգարյանը ևս դուրս եկավ իր աշխատասենյակից և բռունցքներով հարձակվեց Չախոյանի վրա։
Մեր կողմից նկատենք, որ սա բացահայտ խուլիգանություն է, ըստ որում, խմբակային: 
Տեսանյութը՝ Armlur.am-ի