«Բաքուն փորձում է շփման գծում սադրանքների միջոցով շեղել ուշադրությունն Ադրբեջանում մարդու իրավունքների ոտնահարումից, դա չի անցնի». Տիգրան Բալայան

ՀՀ արտաքին գործերի նախարարության մամուլի խոսնակ Տիգրան Բալայանն իր ֆեյսբուքյան էջում անդրադարձել է Արցախի զինուժի կողմից շփման գծում հակառակորդի հետախուզադիվերսիոն խմբի ներթափանցման փորձի կանխմանը:

«Բաքուն փորձում է լրացնել դիվանագիտական և միջազգային հարթակներում ունեցած ձախողումները, շփման գծում սադրանքներ իրագործելու միջոցով շեղել ուշադրությունն Ադրբեջանում մարդու իրավունքների և հիմնարար ազատությունների ոտնահարման դեպքերից: Դա չի անցնի»,- գրել է Տիգրան Բալայանը:

Հիշեցնենք, որ հունվարի 25-ի գիշերը՝ ժամը 02:00-ի սահմաններում, արցախա-ադրբեջանական հակամարտ զորքերի շփման գծի հարավարևելյան (Կուրոպատկինո) ուղղությամբ տեղակայված հայկական դիրքերից մեկի պաշտպանական հատվածում ՊԲ առաջապահ ուժերի կողմից հավաստանշվել է հակառակորդի հետախուզադիվերսիոն խմբի ներթափանցման փորձ: Այս մասին հայտնել են ԱՀ ՊՆ մամուլի ծառայությունից։

Ձեռնարկված կանխարգելիչ գործողությունների արդյունքում ադրբեջանական հատուկջոկատայինները հետ են շպրտվել:

Ըստ նախնական տվյալների՝ հակառակորդի կողմից կան կորուստներ: Մանրամասները ճշտվում են: