Մինսկի խմբի համանախագահության ֆորմատը ոչ Ալիևն է ստեղծել, ոչ էլ առավել ևս Նիկոլ Փաշինյանը. Աննա Գրիգորյան
Մինսկի խմբի համանախագահության ֆորմատը ոչ Ալիևն է ստեղծել, ոչ էլ առավել ևս Նիկոլ Փաշինյանը։ Այս մասին այսօր՝ ապրիլի 14-ին, ԱԺ-ում լրագրողների հետ զրույցում ասաց «Հայաստան» խմբակցության պատգամավոր Աննա Գրիգորյանն՝ անդրադառնալով ԵԱՀԿ Մինսկի լուծարման հետ կապված Արարատ Միրզոյանի հայտարարությանը։
«Դա ստեղծվել է ԵԱՀԿ կարևորագույն կազմակերպությունների մեկի ֆորմատի ներքո և խնդիր ուներ Լեռնային Ղարաբաղի հակամարտությունը կարգավորելու։ Եթե այս իշխանություններն ուզում են ասել, որ հակամարտությունը կարգավորված է, ապա դա ուղղակի Ադրբեջանի հերթական խոսույթի սպասարկումն է և ուրիշ ոչ մի բան։ Ակնհայտ է, որ եթե ինչ-որ փուլում նույնիսկ Մինսկի խմբի համանախագործ երկրները միմյանց հետ էլ լավ հարաբերություններ չեն ունեցել հաշվի առնելով պրոքսի պատերազմը Ուկրաինայում, ապա մենք հիմա տեսնում ենք, որ գոյություն ունեն բանակցություններ և այդ բանակցությունները կարող են բերել նրան, որ Ռուսաստանի, Միացյալ Նահանգների և Ֆրանսիայի հարաբերությունները կարգավորվեն, և այդ ֆորմատը կարող է նորից գործուն ֆորմատ դառնալ»,- ասաց նա։
Մանրամասն՝ տեսանյութում։
Հետևեք մեզ Facebook-ում