Վթարի է ենթարկվել հայ ցուցարարներին առանձնակի դաժանությամբ վերաբերվող Հայկազ Ջոմարդյանը

Երեւանում վթարի է ենթարկվել ոստիկանության հատուկ նշանակության գումարտակի հրամանատար Հայկազ Ջոմարդյանը:

Shamshyan.com-ի տեղեկություններով, ապրիլի 11-ին Ժամը 19:50-ի սահմաններում Հր. Աճառյան և Կոտայքի մարզի Առինջ գյուղի Մ. Մաշտոց փողոցների խաչմերուկում բախվել են Շիրակի մարզի բնակիչ 33-ամյա Մերուժան Առաքելյանի վարած «Mercedes» մակնիշի, Գեղարքունիքի մարզի բնակիչ 39-ամյա Հայկազ Ջոմարդյանի վարած «Toyota» մակնիշի և Տավուշի մարզի բնակիչ 28-ամյա Արմեն Բալդրյանի վարած «Mercedes» մակնիշի ավտոմեքենաները։

Դեպքի փաստով քննչական բաժնում նախաձեռնվել է քրեական վարույթ:
--
Հիշեցնենք, որ թե՛ Հայկազ Ջոմարդյանը, թե՛ նրա գլխավորած ստորաբաժանման «բերետավորները», հատկապես վերջին 4-5 տարիներին ուշադրության կենտրոնում են հայտնվել հականիկոլական ցույցերի մասնակիցների նկատմամբ սիստեմատիկաբար դրսևորած դաժան, անմարդկային, վայրագ վերաբերմունքով, ցուցարարների նկատմամբ միտումնավոր անհամաչափ ուժի գործադրմամբ: Այս ստորաբաժանման մի քանի տասնյակ «ոստիկաններն» էին, որ հարձակվեցին ԱԺ ընդդիմադիր պատգամավորի վրա՝ բռնություն գործադրելով նրա նկատմամբ: 
Սա այն ստորաբաժանումն է, որ ամեն գնով պաշտպանում է Նիկոլ Փաշինյանի իշխանությունը, որը դրա դիմաց պարգևավճարներ է շռայլում «բերետակիրներին»: