Ոսկին այսօր նոր համաշխարհային ռեկորդ սահմանեց

Թրամփի կողմից հռչակված,  այսպես կոչված մաքսատուրքերի պատերազմը համաշխարային շուկաներում խուճապ  է առաջացրել, որի արդյունքում ոսկու գինը նոր համաշխարհային ռեկորդ է սահմանել:

Մասնավորապես, այսօր մեկ ունցիայի գինը կազմել է ավելի քան 3200 դոլար:

Փորձագետների կարծիքով՝ այսչափ կտրուկ աճը պայմանավարվեց Թրամփի վերջին որոշումներով:

Բանն այն է, որ ԱՄՆ-ի ներկայիս նախագահը մտադիր է վերակենդանբացնել ԱՄՆ-ի տնտեսության իրական սեկտորը: Սակայն դա հնարավոր չի լինի, առանց դրսից եկող ապրանքների համար մաքսատուրքերի բարձրացման:

Սակայն Թրամփի այս քայլը կարող է հակաքայլեր առաջացնել նաև այլ երկրների կողմից, որի արդյունքում միջազգային ազատ առևտուրը կարող է լուրջ հարված ստանալ:

Մասնավորապես, Չինաստանն արդեն ամերիկյան ապրանքների մաքսատուրքերի չափը բարձրացրել է մինչև 125 տոկոս, իսկ ԱՄՆ-ն չինական ապրանքների համար, այդ ցուրցանիշը հասցրել է մինչև 145 տոկոսի:

Այս պայմաններում ներդրողները ռիսկի չդիմելով՝ փորձում են իրենց կապիտալները տեղավորել, այսպես կոչված «խաղաղ նավահանգստում», որը տնտեսագետների լեզվով կոչվում է ոսկին:

Հենց դրա արդյունքում էլ ոսկու գինը այս երկու օրերի ընթացքում աճեց միանգամից, ավելի քան 10 տոկոսով:

Սա է իրականությունը:

Արտակ Հակոբյան    
Zham.am