Քասախ համայնք մտնող թիվ 59 ավտոբուսը հանվում է. Ի՞նչ են ասել պռոշյանցիներին

Կառավարությունում այսօր ընդունեցին Պռոշյանի մի քանի բնակիչների։ Հիշեցնենք, որ Քասախ ու Պռոշյան գյուղերի բնակիչները մի քանի օր փակել էին Աշտարակի մայրուղին՝ բողոքելով տրանսպորտային փոփոխություններից ու տրանսպորտի թանկացումից։

«Ես տեղեկացնեմ, որ Պռոշյան համայնքի 25 համարի երթուղու հարցը լուծվեց մասամբ։ Հիմա ավտոբուսը գալու է նախկին ՊՆ շենքի դիմաց շրջադարձ կատարի, մենք խնդրեցինք, որպեսզի երթուղին մոտ 300 մ գա մինչև շրջադարձի մոտ՝ հասնի Պռոշյանի մուտքի մոտ, ունենք հիվանդ երեխաներ, ծերեր, թոշակառուներ, որոնց համար խնդիր է մինչև ՊՆ նախկին շենք հասնելը։ Խոստացան քննարկել»,-հանդիպման ընթացքում քննարկված հարցերի ու ձեռք բերված պայմանավորվածությունների մասին հայտնեց Պռոշյան համայնքի բնակիչ Սերգո Մուրադյանը։

Նա նաև հայտնեց, որ նախկինում Քասախ համայնք մտնող թիվ 59 ավտոբուսը հանվում է։ Մանրամասները՝ տեսանյութում։

Աղբյուրը` Panorama.am