Հրատապ. Երևանի փոխքաղաքապետի «պրինցիպ»-ը (տեսանյութ)

Այսօր լարված իրավիճակ է ստեղծվել Հրաչյա Քոչարի 27Ա շենքի բակում: Ըստ տեղի բնակիչների բակի շրջակայքում արձանագրվել էին թմրամոլության և թմրաշրջանառության դեպքեր, ինչի արդյունքում բնակիչները սկսել էին բարեկարգել իրենց տարածքը՝ հատուկ ցանկապատներ և դռներ տեղադրելով, որպեսզի կանխարգելեն թմրանյութերի շրջանառությունը և ապահովեն երեխաների անվտանգությունը:

Տվյալ բակում բնակիչների կողմից հայտնաբերված թմրանյութեր պահելու մասին տեսանյութեր էին տարածել սոցցանցերում՝ որպես ահազանգ, որից հետո 3 շենքի բնակիչները իրենց միջոցներով գործողություններ են իրականացնել՝ տեղադրելով ցանկապատներ և դռներ (որն արվել է ըստ նախագծի), որոնց միջոցով փորձել են պաշտպանել իրենց երեխաների կյանքն ու անվտանգությունը։

Երևանի փոխքաղաքապետ Լևոն Հովհաննիսյանի հրահանգով որոշվել էր ապամոնտաժել այդ դռներն՝ առանց համապատասխան գրության կամ պարզաբանումների։ Սա առաջացրել է հակասություններ և դժգոհություններ տեղի բնակիչների շրջանում, ովքեր քաղաքային իշխանությունների գործողությունները համարել են ոչ հիմնավորված, ու մինչ այժմ չստանալով հստակ պատասխաններ շարունակում են անհանգստանալ իրենց երեխաների անվտանգության համար։

Դեպքի վայրում են նաև «Մայր Հայաստան» խմբակցության ներկայացուցիչները, ովքեր ակտիվ մասնակցություն են ունենում իրավիճակի հանգուցալուծման հարցում։