«Ոսկու շուկայի» սեփականատիրոջ կինն ու որդին մեղադրվում են թմրամիջոց ներկրելու մեջ

«Ժամանակ» թերթը գրում է. «ՊԵԿ-ում քննվող քրեական գործի շրջանակներում ձերբակալվել են «Ոսկու շուկայի» սեփականատեր Վաղարշ Աբրահամյանի կինը՝ Նունե Նալբանդյանը, և նրանց կրտսեր որդին՝ Արթուր Աբրահամյանը։ Նրանք մեղադրվում են մարիխուանա տեսակի թմրամիջոց ներկրելու մեջ։ Մասնավորապես՝ նրանց կողմից փորձ է արվել ԱՄՆ-ից այդ թմրամիջոցը բերել դեղորայքի անվան տակ։

Մեր տեղեկություններով՝ ՊԵԿ քննչական մարմինը այդ թմրամիջոցը հայտնաբերել է Աբրահամյաններին պատկանող «Ոսկու շուկայում» կատարված խուզարկության ժամանակ, թեև Վաղարշ Աբրահամյանը լրատվամիջոցներին ասել է, որ թյուրիմացություն է եղել, կինն արդեն ազատ է արձակվել։ Կրտսեր Աբրահամյանը ևս շուտով կհայտնվի ազատության մեջ, քանի որ հայր Աբրահամյանը արդեն իսկ լուծել է այդ հարցը»։

Առավել մանրամասն՝ «Ժամանակ» թերթի այսօրվա համարում: