Հույսի զգացումը չի դադարել մեր մեջ, այն ճիշտ ժամանակին կգործադրվի, այդ օրերը չեն ուշանա. Բագրատ Սրբազան

«Գյումրիում և Փարաքարում  հաղթեցինք բոլորս։ Սա շատ կարևոր հանգամանք է։ Ցանկությունս է այդ հաղթանակի շունչը նկատվի որպես բոլորիս հաղթանակը, այդ շունչը տարածվի ամենուր, մարդիկ հասկանան, որ կարող են հաղթել»,- ուղիղ եթերում ասաց «Սրբազան պայքար» շարժման առաջնորդ Բագրատ արքեպիսկոպոս Գալստանյանը։

Սրբազանն անդրադարձավ նաև Փաշինյանի հայտարարությանը, որ կադրեր չունեն. «Պետական ապարատում բազմաթիվ թափուր աշխատատեղեր կան։ Ուրախ եմ, որ մարդիկ ոչ թե աշխատավարձի պատճառով, այլ չեն ուզում համագործակցել այս չարիք հետ։ Մարդիկ դուրս են գալիս տարբեր համակարգերից, որովհետև հասկանում են՝ մեղսակից, հանցակից են դառնում, չեն ուզում համագործակցելու։ Չհամագործակցելու շղթան մեր երկրում պետք է մեծանա։

Մարդիկ հասել են այն գիտակցության, որ չեն ցանկանում աշխատել այս իշխանությունների հետ։ 

Մեր երկրում կադրեր չափազանց շատ կան։ Մարդկանց միշտ հարց եմ տվել՝  ինչի՞ց է, որ մենք այսքան նվիրյալ մարդիկ ունենք, բայց  այսքան թշվառ վիճակում ենք։ Պատասխանը մեկն է՝  պետությունը, որը ղեկավարում է այս չարիքը, ոչ նպատակ ունի, ոչ օրակարգ, ոչ էլ ուղղություն։ Այն ամբողջությամբ լծված է քանդելու մեջ։

Հույսի զգացումը չի դադարել մեր մեջ, այն ճիշտ ժամանակին պետք է գործադրվի, որով միասին կնքելու ենք այդքան բաղձալի հաղթանակը։

Այդ օրերը չեն ուշանալու, համբերությամբ զինվեք, հավատքով ամրացեք, ամեն ինչ մեր ձեռքում է»։