Սա համարում եմ բոլորիս հաղթանակը. Կարեն Սիմոնյան

Գյումրու քաղաքապետի  (ավագանու) ընտրություններում «Մայր Հայաստան» դաշինքի ցուցակը գլխավորող Կարեն Սիմոնյանը գրել է.
«Հարգելի՛ գյումրեցիներ,

Մենք քարոզարշավից առաջ հրապարակել էինք մեր սկզբունքները և մեկ միլիմետր անգամ չենք շեղվել այդ սկզբունքներից:

Այս պահին կարող եմ ասել, որ մենք նպաստեցինք, որպեսզի «Մայր Հայաստանի» նվազագույն խնդիրը՝ ՔՊ-ի իշխանազրկումը, իրականություն դառնա և ժողովրդի պահանջը կյանքի կոչվի:

Մեր հետագա գործունեությունը քաղաքապետարանում և դրանից դուրս բխելու է բացառապես մեր այն ծրագրերից, որոնց համար քվե ենք ստացել և որոնք բխում են Գյումրու, գյումրեցիների շահերից:

Եվս մեկ անգամ շնորհակալություն եմ հայտնում գյումրեցիներին, ովքեր իրենց քվեով և ակտիվությամբ սատարեցին մեզ, քվեարկեցին ՔՊ-ի իշխանազրկման և հանուն գյումրեցիների համախմբման: Գյումրեցին թիվ մեկ պահանջատերն ու շահառուն պետք է դառնա այս ամենի արդյունքում: Մենք ամեն ինչ արել ու անելու ենք դրա համար: