Վարորդը հսկիչ չէ, քաղաքապետարանը խաղում է ուղևորների նյարդերի հետ

Երևանի ավագանու «Մայր Հայաստան» խմբակցության անդամ Արմենակ Դանիելյանը ահազանգում է. «Այսօր` 04.04.2025թ. ֊ին, ժամը 10։00 ֊ի սահմաններում N_26 երթուղին սպասարկող գազելի վարորդը խախտելով իր պայմանագրային պարտավորությունները կանգնեցրել է իր կողմից վարվող 5150 S տրանսպորտային միջոցը, հրաժարվել այն վարելուց, պատճառաբանելով ուղևորների չվճարումը, այն ինչ մի քանի րոպե վճարային տերմինալը երևի թե տեխնիկական խնդիրների պատճառով վալիդացիա չի կատարել, կամ մերժել է մոտեցրած QR կոդերը։
Երևանի քաղաքապետարան ու «Երևանի ավտոբուս» ՓԲԸ, հիշեցնեմ, որ Երևանի հանրային տրանսպորտի ՎԱՐՈՐԴԸ ՀՍԿԻՉ չէ և իր պայմանագրային պարտավորություններում չկա կետ ուղևորներին հրահանգել, կամ պարտադրել ՎՃԱՐՈւՄ կատարել, իսկ չվճարած քաղաքացու պատճառով մնացած ուղևորների իրավունքները խախտելով իջեցնի տրանսպորտից ( եթե իհարկե ՏՐԱՆՍՊՈՐՏԱՅԻՆ ՄԻՋՈՑԸ անսարք չէ )։
Հարգելի վարորդներ, իրականացրեք միայն ձեր պայմանագրից բխող պարտավորություններն ու պարտականությունները, մի իրականացրել ձեր իրավունքներից դուրս քայլեր, արհեստական կոնֆլիկտ մի ստեղծեք մեր հայրենակիցների հետ»։