Երևանում կառավարական համարանիշներով ջիպը անցել է կարմիրի տակով՝ վտանգելով քաղաքացիների կյանքը

Այսօր Փաշինյանը կառավարության նիստի ընթացքում «փիլիսոփայում» էր վարորդական իրավունքի վկայականի ու քննության թեմայով. «...Մենք կարո՞ղ ենք ասել, որ Հայաստանում ավտոմեքենա վարող անձանց 70 տոկոսն իրականում չունի մեր ստանդարտներին համապատասխանող այն հմտությունները, որոնք անհրաժեշտ են ավտոմեքենա վարելու համար։ Բոլորը (մի հանդիպման ժամանակ դահլիճում ներկաները՜) միանգամից ռեակցիա տվեցին ու ասացին՝ 95 տոկոսը։ Ասացի՝ ես չէի ուզում այդպես ասեի՝ մտածելով, որ տենց էլի հերթական անգամ սուր ձևակերպում կանեմ անհարկի, շատ լավ ասում եք 95 տոկոսը,ա սացի՝ դահլիճում մարդ կա՞, որ չարչարվելով քննություն է հանձնել ու վարորդական իրավունք է ստացել։ Կանայք կային, վերջերս են սկսել պրոցեսի մեջ մտնել ու լավ ծանոթ չունեն, ասացին, որ կտրվել են, չարչարվում են»,- պատմեց նա՝ նշելով, թե երբ վարորդական իրավունք է ստացել, այն ժամանակ հայտնի լրագրող էր, ծնկաչոք աղաչեր էլ՝ չէին թողնի քննություն տար։ «300 մետրի վրա բերին տվին, ասին՝ գնա ստեղից, հնարավորինս շուտ ստեղից գնա, գործ չունես մեր հետ»...
***
Shamshyan.com-ը ներկայացրել է բացառիկ տեսանյութ, թե ինչպես է մարտի 13-ին ՀՀ կառավարության հաշվեկշռում հաշվառված «Տոյոտա» մակնիշի ավտոմեքենան Չարենցի փողոցում չարամտորեն խախտում ճանապարհային երթևեկության կանոնները, երթևեկում հանդիպակաց գոտով, անցնում կարմիր լույսի տակով ու հետիոտնային անցման վրա 2 հետիոտ, որոնցից մեկը՝ մանկասայլակով երեխայի հետ,  հրաշքով են փրկվում

Մի հատ էլ հիշեցնենք, որ այսօր՝ ապրիլի 3-ին, կառավարության հերթական նիստի ժամանակ Նիկոլ Փաշինյանը տեսակետ էր հայտնել, որ պետք է վարորդները ատեստավորվեն: «Լավ կլինի, որպեսզի այդ ամենը սկսվի նախարարներին սպասարկող ավտոմեքենաների վարորդներից, քանի որ եղել են բազմաթիվ դեպքեր, որ հենց կառավարական ավտոմեքենաներն են, որ կոպիտ կերպով խախտել են երթևեկության կանոնները»: