Փաշինյանի «մեծարգո» թիկնազորքաշարասյան անցումն սպասարկող պարեկները հարձակվեցին վարորդի վրա

Yerevan.today-ը ֆեյսբուքյան էջում հրապարակել է տեսանյութ, որտեղ պատկերված է փաշինյանական ռեժիմը սպասարկող ոստիկանների խմբակային հարձակում վարորդի վրա՝ վերջինիս նկատմամբ ֆիզիկական բռնության գործադրմամբ: 
Պարեկների հանդերձանքով ոստիկանները դադարեցրել են Մաշտոցի պողոտա-Թումանյան խաչմերուկով երթևեկությունը, որպեսզի ապահովեն Փաշինյանի թիկնազորքաավտոշարասյան անխոչընդոտ ընթացքը: Երևում է, որ մեքենաները կանգնած են, վարորդները սպասում են, թե երբ ճանապարհը կբացվի: Մեկ էլ պարեկներից մեկը բղավում է իրենից երկու շարք հեռու կանգնած 77 JD 707 պետհամարանիշով (կարծես «Մազդա» մակնիշի) մեքենայի վարորդի վրա, ապա կտրուկ մոտենում է, ևս մի քանի պարեկների հետ, վարորդին մեքենայի միջից քարշ տալով հանում են դուրս, գցում գետնին, «փռում ասֆալտին», իսկ մյուս՝ սևազգեստ ոստիկաններն էլ, դա տեսնելով, մոտենում են ու հընթացս սաստում են այն վարորդներին, որոնք տեսնելով կատարվող «բեսպրեդելը», դուրս են գալիս մեքենայից կամ փորձում են մոտենալ: 

Փաշինյանի ոստիկանության պարեկները քաջաբար «բերման են ենթարկում» վարորդին, ով հայտնի չէ, թե այդ ի՞նչ ծանր օրինախախտում էր կատարել: 
Ի դեպ, պարեկների նյարդային ու հասարակության նկատմամբ բացահայտ անհարգալից պահվածքը տեսնելով, վարորդներից մի քանիսը սկսում են մեքենաների ձայնային ազդանշաններով արձագանքել: 
Դե ինչ, փաշինյանական ոստիկանությունն ու ՔՊ վարչությունը կարող են հպարտ ու հանգիստ լինել. քաջարի պարեկները վնասազերծեցին ևս մեկ վտանգավոր իրավախախտի: Հնարավոր է, վաղը Նիկոլ Փաշինյանը ֆեյսբուքյան էջում գրի, թե «հատիկ առ հատիկ» հետ է նվաճվել մի հատ «Մազդա»՝ 18 հազար կմ «պռաբեգով»...
  
Տեսանյութի հղումը՝ 
https://www.facebook.com/watch/?v=667996682288908