Ալիևը Փաշինյանից պահանջում է հայտարարել ՀՀ լուծարման մասին. դա է «խաղաղության» նրա ոչ վերջին նախապայմանը
Գերմանիայի նախագահ Ֆրանկ-Վալտեր Շտայնմայերի հետ ասուլիսի ժամանակ ասել է Ադրբեջանի նախագահ Իլհամ Ալիևը ասել է. «Խաղաղության պայմանագրի տեքստը լիովին համաձայնեցված է և բաղկացած է 17 կետից։ Այն ստորագրելու մեր պայմանները Հայաստանին հայտնի են և նոր չեն, սակայն Հայաստանից դեռևս որևէ լուրջ արձագանք չենք ստացել:
Նախ պետք է վերացնել ԵԱՀԿ Մինսկի խումբը: Երկրորդ հարցը վերաբերում է Հայաստանի Սահմանադրությանը, որը հղում է պարունակում Հայաստանի Անկախության ակտին։ Դա Սահմանադրության բաղկացուցիչ մասն է: Այնտեղ դրույթ կա, որ Ադրբեջանի օրինական, պատմական տարածքը միավորվում է Հայաստանին, իսկ դա մեր նկատմամբ տարածքային պահանջ է… Ինչպես ասում են՝ գնդակը Հայաստանի դաշտում է: Եթե Հայաստանն իսկապես ցանկանում է խաղաղության պայմանագիր ստորագրել, պետք է ընդունի Ադրբեջանի երկու պայմանները»,- հավելել է նա:
Պարզ ասած, Ալիևը իրեն ամեն ինչ զիջող ու իր առաջ խոնարհված Փաշինյանից պահանջում է հայտարարել ՀՀ լուծարման մասին: Սահմանադրության նախաբանի չեղարկումը նույնն է, ինչ Հայաստանի Հանրապետույթան Անկախության հռչակագրի չեղարկումը, իսկ դա նշանակում է՝ ՀՀ լուծարում:
ՔՊ-ականներն ու նրանց քսմսվողները երևի կարող են լիակատար երջանիկ զգալ իրենց:
Հետևեք մեզ Facebook-ում