Էսօր քաղաքապետերի 90 տոկոսի վրա գործ է հարուցված, որպեսզի մարդկանց աչքին թոզ փչեն՝ տեսեք, մենք գործ ենք անում․ Վարդան Ղուկասյան

«Ասում էին՝ գալիս ենք, որ գողոնը հետ բերենք։ Եվ էդ գողոնը եթե ուզում էիք հետ բերել, ես բարձրաձայնում եմ մշտական՝ երկրի հանքարդյունաբերությունը, որ գրված է օֆշորներում, ում է պատկանում։ Հլը մի հատ անունները տվեք, վերցրեք, դարձրեք պետական սեփականություն։ Ջուրը, որ աշխարհում ամենաթանկ բանն է՝ բենզինից, նավթից, ոսկուց, մոլիբդենից, ջուրը այսօր ում է պատկանում։ Ինչի՞, դուք չգիտե՞ք, ում է պատկանում»,- այս մասին Գյումրիում տեղի ունեցող նախընտրական քարոզարշավի ընթացքում ասաց նախկին քաղաքապետ Վարդան Ղուկասյանը։

Նա նաև նշեց, որ ժողովրդի սեփականությունը պետականացնելու ուղղությամբ ոչ մի մոտեցում չի ցուցաբերվում։

 «Ուրեմն էսօր քաղաքապետերի 90 տոկոսի վրա գործ է հարուցված, որպեսզի մարդկանց աչքին թոզ փչեն, թե՝ տեսեք, մենք գործ ենք անում։ Ժողովուրդ, մի խոսքով, սրանց կատարած աշխատանքը բոլորիս աչքի առջև է, և բոլորս հասկանում ենք, թե ովքեր են ղեկավարում Հայաստանի Հանրապետությունը։ Բոլորդ լավ գիտեք»,- շեշտեց Ղուկասյանը։

Նախկին քաղաքապետի դիտարկմամբ՝ Գյումրիում աշխատատեղերի ստեղման և տնակային պայմաններից մարդկանց դուրս բերման ուղղությամբ այս տարիներին որևէ քայլ չի արվել։  

«Ամբողջ Հայաստանի Հանրապետությունում ամենաաղքատ խավը ապրում է Շիրակի դաշտավայրում, Գյումրի քաղաքում և Գեղարքունիքում»,-նշեց նա։
Աղբյուրը` Panorama.am