Եվրադաշինքը չի կոալիցվելու որևէ քաղաքական ուժի հետ. Լևոն Բարսեղյան

«Նման բան չի լինելու, Եվրադաշինքը չի կոալիցվելու որևէ քաղաքական ուժի հետ»,-այս մասին հայտարարել է Գյումրու ավագանու արտահերթ ընտրություններում «Եվրադաշինք»-ի կողմից որպես Գյումրու քաղաքապետի թեկնածու առաջադրված Լևոն Բարսեղյանը։

Նշենք, այս օրերին հաճախ են հնչում հայտարարություններ, որ այս ուժը սպասարկում է իշխանության շահերը, ընտրություններից հետո  կոալիցիա է կազմելու ՔՊ-ի հետ։

«Մենք համարում ենք, որ մեր ծրագիրն ամենալավն է։ Տարբեր պատճառներով որևէ քաղաքական ուժի հետ չենք կոալիցվելու։ Որևէ մեկի հետ բանակցություններ չենք վարելու, թե ձեր քվեները տվեք մեզ, մենք ձեզ պաշտոն կտանք։ Չի լինելու նմա բան։ Սա մեր վերջնական պատասխանն է բոլոր այդօրինակ հարցերին»,-ասաց նա, նշում է Panorama.am-ը (լուսանկարը՝ կայքից)։
--
Մեր կողմից նկատենք, որ նման հայտարարությունը, որքան էլ այն բարձր տոներով չհնչի, ոչ մի կարպ համոզիչ չէ այն շատ պարզ պատճառով, որ նշված «Եվրադաշինքը» կազմածներից «Հանրապետությունը» արդե՛ն իսկ կոալիցիայի մեջ է ՔՊ-ի հետ, Երևանի ավագանիում: Եթե հարցին հումորով մոտենանք ( ի վերջո, ընտրությունը Գյումրիում է), ապա՝ այո, իրենք ոչ մեկի հետ կոալիցիա կազմելու հարց չունեն, քանզի... արդեն իսկ կոալիցիա կազմած ունեն Փաշինյանի ու նրա ՔՊ-ի հետ: Ու վաղուց: Նույնիսկ՝ «թավիշից» առաջ:   
Ի դեպ, հետաքրքիր է, որ ՀՅԴ-ական Գառնիկ Դանիելյանի առնչությամբ տիեզերական աղմուկ բարձրացրած ՔՊ քարոզիչները դիմահար... «չեն տեսնում» ոչ գյումրեցի Արման Բաբաջանյանին: Դե-դե...