Լուսավոր Սարիկը հագել է ՔՊ-ի կոստյում. Արմենուհի Կյուրեղյան

«Վանաձորցին դեռևս 2021 թվականին կտրուկ մերժեց ՔՊ-ին ՏԻՄ ընտրություններում»,- Ազգային ժողովում հայտարարությունների ժամին ունեցած ելույթում հիշեցրեց «Հայաստան» խմբակցության պատգամավոր Արմենուհի Կյուրեղյանը՝ մասնավորապես դիմելով գյումրեցիներին, որտեղ մարտի 30-ին կայանալու են ՏԻՄ ընտրություններ։

Նա նշեց, որ մինչ օրս ՔՊ-ին չի հաջողվել մարսել այդ պարտությունը։

«Իհարկե, լուսավոր Էդմոնը 2,5  տարի դատական հայցերով հանդես գալով՝ ամեն ինչ արեց, որ  ավագանին մինչ օրս  չկայացնի համայնքի ղեկավարի ընտրության  օրակարգով առաջին նիստը։

ՔՊ-ն նորից դիմել է իր գործընկեր լուսավորին։ Լուսավոր Սարիկը հագել է ՔՊ-ի կոստյում, բայց փորձում է համոզել գյումրեցուն, թե ինչքը Նիկոլ չէ, նիկոլիզմի հետևորդ չէ։

Սիրելի գյումրեցիներ՝ դուք կիրակի օրն ընտրելու եք Հայաստան՝  ինքնիշխան երկի՞ր, թե՞ թուրքի հպատակ, թուրք-ադրբեջանական  տանդեմին ամեն օր մի նոր զիջում անող, օրեցօր աճող նրանց ախորժակը բավարարող նիկոլի՞զմ, թե՞ սեփական արժանապատվությունը գնահատող ինքնիշխան երկրի համար պայքրող ու տեր կանգնող Հայաստան։

Վանաձորցին ու երևանցին մերժել է ՔՊ-ին, հերթը ձերն է՝ Գյումրիինն ու Փարաքարինը»։