ՔՊ-ական բարձրաստիճան պաշտոնյայի կողմից հերթական բառային ագրեսիան ու խայտառակ պահվածքը լրագրողի նկատմամբ

Փաշինյանն ու նրա ՔՊ-ն կարծում են, որ արդեն մարսել են վերջերս իրենց «կարկառուն» ներկայացուցիչ Անդրանիկ Քոչարյանի կողմից լրագրող Հռիփսիմե Ջեբեջյանի դեմ դատապարտելի ու ագրեսիվ պահվածլը կամ իրենց ԱԳ նախարար Արարատ Միրզոյանի անհարգալից ու անդաստիարակ դրսևորումը: Եվ ահա, ՔՊ-ն ԱԺ նախագահ Ալեն Սիմոնյանը այսօր ագրեսիվ ու անթույլատրելի վարք է դրսևորել News.am-ի լրագրողի ու լրատվամիջոցի նկատմամբ: 
Ինչպես հաղորդում է Aysor.am-ը, ԱԺ նախագահ Ալեն Սիմոնյանն այսօր թիրախավորել էր News.am կայքի լրագրողին։
Երբ լրագրողը նրան հարց տվեց, Սիմոնյանն ասաց.  «Ես հասկանում եմ, որ դուք News.am-ից եք, Ռոբերտ Քոչարյանը չի՞ ձեր սեփականատերը»։
Լրագրողն էլ պատասխանեց՝ Ալեն Սիմոնյանը պետք է ապացուցի, որ ՀՀ 2-րդ նախագահն է լրատվամիջոցի սեփականատերը։
«Ի՞նչ ապացուցեմ, որ Քոչարյանի ժամանակ քաղբանտարկյալնե՞ր են եղել, բացեք... ինքը չի՞, հերքեք»,- ասաց ԱԺ նախագահը՝ լրագրողին կոչ անելով «չհարձակվել» իր վա։
«Ստորագրահավաք կանեմ ձեր դեմ, գոռում եք իմ վրա, ինձ բուլինգի մի ենթարկեք, մի արեք, հանգիստ»,- նշեց Սիմոնյանը։
--
Դե ինչ, մնում է որ իրենց հարգող լրագրողներն ու լրատվամիջոցները բացարձակ բոյկոտի ենթարկեն ՔՊ-ին ու նրանց բոլոր պաշտոնյաներին՝ ո՛չ մի հարցազրույց, ո՛չ մի ճեպազրույց, ո՛չ մի լուսաբանում, ո՛չ մի չեզոք անդրադարձ, այլ միայն  արհամարհանք, միայն անտեսում: Նրանք վաղուց արդեն վաստակել են տոտալ արհամարհանքի արժանանալու այդ մոտեցումը:  

Իսկ Ալեն Սիմոնյանը, որ ժամանակին նույնպես առնչվել է լրատվական դաշտին, նախ, թող բացեիբաց հայտարարի, թե ով կամ ովքեր են եղել իր աշխատեցրած քարոզչամիջոցների սեփականատերերը: