Գյումրին կարող է օգնել մղջավանջից ու ազգային նվաստացումից դուրս գալու գործընթացն սկսելուն

Եթե անհատները լինեն պատասխանատու, ապա ոչ մի իշխանություն չի կարող լինել անպատասխանատու, որովհետև դա նրանց վերջը կլինի:

Կենդանական աշխարհն ապրում է բնազդներով, հարմարվելով շրջակա միջավայրին։ Ինչով ենք մենք տարբերվում ավելի ցածր էվոլյուցիոն աստիճանակարգում գտնվող մեր փոքր եղբայրներից, եթե նույն սկզբունքներով ենք առաջնորդվում։

Գյումրու ընտրությունները դրա լավագույն ցուցիչն է, որտեղ կան մարդիկ, որոնք հասկանում են, որ իրենք պատասխանատու են իրենց, իրենց քաղաքի, իրենց երկրի առջև, նաև Հայաստանի ապագայի (ստեղծված իրավիճակի պատճառով) համար և կան մարդիկ, որոնք առաջնորդվում են

-մեր Սարիկով,

-ձեր Լևոնով,

-էրեվանցիք քաղաքականացնում են, իրենց հարցերը լուծելով մեզ օգտագործում են,

-ընտրություններով հարց չի լուծվում

և նմանատիպ կարգախոսներով: Դա գյումրեցիների առանձնահատկությունը չէ ու բնորոշ է Հայաստանի բոլոր քաղաքներին ու գյուղերին:

Գյումրին մեզ կարող է օգնել 2018-ից սկսված (իրականում ավելի վաղուց) մղջավանջից ու ազգային նվաստացումից դուրս գալու գործընթացը սկսելուն»: