Հայերին բացահայտ ձեռ են առնում. World Happiness Report. Հայաստանը կրկին ճանաչվել է տարածաշրջանում ամենաերջանիկ երկիրը

Հայաստանը զբաղեցրել է 87-րդ տեղն աշխարհի ամենաերջանիկ երկրների վարկանիշում (World Happiness Report), որն ամեն տարի ներկայացնում է ՄԱԿ-ի կայուն զարգացման լուծումների բաժինը՝ Gallup հետազոտական ​​ընկերության հետ համատեղ։ Այս տարի մեր երկիրը World Happiness Report-ում տարածաշրջանի երկրների շարքում առաջատար է, սակայն, նախորդ տարվա համեմատ (82-րդ հորիզոնական), մի քանի կետով զիջել է դիրքերը: Նախորդ տարի ևս Հայաստանը տարածաշրջանի ամենաերջանիկ երկիրն էր:

Ըստ վարկանիշի ամենաերջանիկ երկիրն է Ֆինլանդիան, որն այս հորիզոնականից չի իջնում 2017 թվականից։ Նրան հաջորդում են Դանիան, Իսլանդիան, Շվեդիան և Նիդեռլանդները։ Ամենաերջանիկ երկրների տասնյակում են նաև Կոստա Ռիկան, Նորվեգիան, Իսրայելը, Լյուքսեմբուրգը և Մեքսիկան։

Ինչ վերաբերում է տարածաշրջանային պետություններին, ապա Վրաստանը՝ 91-րդն է, Ադրբեջանը՝ 106-րդը, Իրանը՝ 99-րդը, Թուրքիան՝ 94-րդը, ՌԴ-ն՝ 66-րդը:

Զեկույցի հրապարակումը համընկնում է Երջանկության միջազգային օրվա հետ, որը նշվում է մարտի 20-ին։ Համաշխարհային երջանկության զեկույցը հրապարակվում է ամեն տարի՝ սկսած 2012 թվականից:
Աղբյուր՝ Tert.am 
Նկարում. մի քանի երջանիկներ՝ մարզադաշտի պաշտոնական հյուրերի օթյակում