Փաշինյանը տրիբունայում էր, Հայաստանը, բնականաբար, պարտվեց (տեսանյութ)

Հայաստանի ֆուտբոլի հավաքականը, Վ.Սարգսյանի անվան «Հանրապետական» մարզադաշտում խայտառակ պարտություն կրեց Վրաստանի հավաքականից՝ 0-3 նվաստացուցիչ հաշվով: Չնայած, այլ բան երևի չէր էլ կարող լինել, քանի որ «պաշտոնական» տրիբունայում էր նաև Նիկոլ Փաշինյանը:
Եթե մի բանի նա ներկա է, այնտեղ Հայաստանի համար հաղթանակ չի կարող լինել, միայն՝ պարտություն: 
Հատկանշական է, որ երբ հանդիպման հաշիվը դարձավ 0-3՝ հօգուտ Վրաստանի, մարզասերները սկսեցին հրաժարականի պահանջ վանկարկել: Պահանջն, ըստ որում, հասցեագրված էր ոչ թե Նիկոլ Փաշինյանին, այլ՝ նրա հովանավորությունը վայելող ՀՖՖ նախագահ Արմեն Մելիքբեկյանին:
Ի դեպ, Փաշինյանի պաշտպանության նախարար Պապիկյանն էլ էր տրիբունայում: 
Հավաքականի ղեկին հոլանդացի մարզիչ նշանակելն էլ, ինչպես տեսնում եք՝ ոչինչ չտվեց: 
Հայաստանի հավաքականը խաղադաշտում ֆուտբոլային առումով ուղղակի անօգնական, խեղճուկրակ տեսք ուներ, իսկ վրաց ֆուտբոլիստները, կարելի է ասել՝ «մեկ ոտքով» խաղացին: Ռումինացի մրցավարն էլ «լայն ժեստ» արեց Հայաստանի հավաքականին՝ խաղազկզբում 11 մետրանոց տուգանային հարված չնշանակելով՝ հարվածի դուրս եկած մրցակցի խաղացողին տուգանային հրապարակում տապալելու համար: Բայց վրացիներն առանց դրա էլ ջախջախիչ հաշվով հաղթեցին:   
Սա ազգերի լիգայի մրցաշարի միջխմբային անցումային խաղ էր: Երկու օրից նախատեսված է պատասխան հանդիպումը՝ Վրաստանում: 
Տեսանյութերը՝ «Երևան թուդեյի» ֆեյսբուքյան և 168.am-ի յութուբյան էջերից
https://www.facebook.com/yerevan.today/videos/621458890795482/?comment_id=1708443733430060&notif_id=1742495814789528&notif_t=feedback_reaction_generic&ref=notif