Մեկ փորձից գուշակեք, թե ո՞վ է 750 միլիոն դոլար «ներարկել» «խաղաղասեր» Փաշինյանի իշխանությանը

15 Մարտ, 2025 16:54

Տնտեսագետ Հրայր Կամենդատյանը ֆեյսբուքյան գրառմամբ, կարելի է ամել՝ սենսացիոն տեղեկություն է հաղորդում. «750 մլն դոլար !

Հարգելի հայրենակիցներ! Մինչև դուք զբաղված էիք իբր «խաղաղության» պայմանագրի թեմայով, քպ իշխանությունները 750 մլն դոլարով ավելացրեցին ՀՀ պետական պարտքը։ Պարտքի այս խմբաքանակը այնպիսի գրավիչ է եղել կապիտալիստ ներդրողների համար, որ պահանջարկը կազմել է 2.6 մլրդ ԱՄՆ դոլար։ Աշխարհի քարտեզի վրա քիչ երկրներ կան, որոնք դոլարային 7.1 տոկոսով վարկ են վերցնում։ Որպեսզի հասկանաք թէ ինչ կարգի տարօրինակ գին է , ընդամենը հիշեցնեմ որ մինչ այս գործարքը, Հայաստանի արտաքին պարտքի տոկոսադրույքը եղել է ոչ ավելի 3.5 տոկոսից։ Ինչ որ մեկը, ով սերտ կապեր ունի արտասահմանյան ֆինանսական խմբերի հետ, իշխանափոխությունից հետո պետք է բացատրի թե՝

1. ինչո՞ւ է 2.6 մլրդ պահանջարկ եղել մեր պարտատոմսերի նկատմամբ։

2. ինչո՞ւ է ինվեստորներին առաջարկվել 7.1 տոկոսային մակարդակ:

3. Ո՞վ է շահագրգիռ, որ բյուջետային դեֆիցիտ եվ ազատ անկման մեջ գտնվող տնտեսություն ունեցող երկրի տրամադրի նման ռեսուրսներ նախընտրական տարում:

4. Ո՞վ է այն երջանիկ աստղի տակ ծնված Լոնդոնի բորսայում գործող ֆինանսական բրոքերը, ում վստահում են ՀՀ ֆինանսական տիտանները:

2025թ. մարտի 5-ին Հայաստանի Հանրապետությունը միջազգային կապիտալի շուկայում տեղաբաշխեց 750 մլն ԱՄՆ դոլար ծավալով, 10 տարի մարման ժամկետով եվրապարտատոմսեր` 7.1% եկամտաբերությամբ:

Սա Հայաստանի կողմից միջազգային կապիտալի շուկայում եվրապարտատոմսերի հինգերորդ թողարկումն է:

Եվրապարտոմսերի թողարկումը նախատեսված է 2025 թվականի պետական բյուջեի մասին ՀՀ օրենքով, ներառված է 2025 թվականի փոխառությունների ծրագրում:

Եվրապարտոմսերի թողարկումից ստացված զուտ հասույթը կօգտագործվի պետական բյուջեի դեֆիցիտի ֆինանսավորման նպատակով:

Եվրապարտատոմսերի տեղաբաշխման պայմանները

Թողարկող’

Հայաստանի Հանրապետություն

Տեղաբաշխված ծավալ'

750,000,000 ԱՄՆ դոլար

Գնանշման օր'

2025թ. մարտի 5

Մարման օր

2035թ. մարտի 1

Եկամտաբերություն

7.1000%

Լրացուցիչ համեմատության համար տեղադրում ենք investing .com կայքում առկա տեղեկատվությունը Անգլիայի բանկի տաս տարվա պարտատոմսերի եկամտաբերության վերաբերյալ։

Հայաստան " 7.1 տոկոս, Անգլիա " 4.6 տոկոս»
---
Մեր կողմից նկատենք, որ տեղաբաշխումը կատարվել է 10 օր առաջ: Ստացվել է ինչպես Իլֆի ու Պետրովի հանրահայտ ստեղծագործության մեջ. «Առավոտյան՝ փողը, երեկոյան՝ աթոռները»: Այս դեպքում՝ առավոտյան փողը, երեկոյան՝ Հայաստանի կապիտուլյացիան:
Վայելեք, ինչպես ասվում է: ԱպագԵն եկել է: Ի դեպ, նման մի «եվրաբոնդային» ներարկում Նիկոլ Փաշինյանի կառավարությունն ստացավ 2020-ի նոյեմբերի 9-ի հայտարարությունն ստորագրելուց կարճ ժամանակ անց:
Կարո՞ղ եք 1 փորձից գուշակել, թե թե ո՞վ , այդ ո՞ր երկիրն է 0,7 միլիարդ դոլարանոց «ներարկումներ» անում Հայաստանի շնչահեղձ տնտեսության մեջ, ֆինանսական «ֆորա» տալիս Նիկոլ Փաշինյանի ու ՔՊ-ի ձախավեր կառավարությանը:
Թե բա՝ «թալա՜ն», «Ռենջ Ռովե՜ր...»...: Ուշքի եկեք: