Կքվեարկեն՞ արդյոք Արմեն Սարգսյանի օգտին «Ծառուկյան» ու «ԵԼՔ» դաշինքները
Թե ԱԺ-ի խմբակցության ղեկավարների, և թե Արմեն Սարգսյանի հետ հանդիպման ժամանակ Սերժ Սարգսյանը կարևորում էր , որ ՀՀ նախագահն ԱԺ-ում ընտրվի հենց առաջին փուլում, ինչը ենթադրում է , որ նա պետք է ստանա պատգամավորների ձայների առնվազն 3/4 ը, ինչը նշանակում է , որ առնվազն առանց «Ծառուկյան» դաշինքի ձայների Արմեն Սարգսյանը առաջին փուլով չի կարող ընտրվել ՀՀ նախագահի պաշտոնում : Սա նշանակում է , որ առաջին անգամ Ծառուկյանի թիմը պետք է իրենց համար շատ կարևոր որոշում կայացնի: Ինչպիսին կլինի այդ որոշումը այսօր դեռ պարզ չէ: Ֆորմալ տեսանկյունից խմբարցությունների հանդիպման ժամանակ գործող նախագահն ակնարկել է , որ լավ կլինի ՀՀ նախագահն ընտրվի լայն կոնսեսուսի ձևով, մանավանդ , որ ՀՀ նախագահն կուսակցական գործիչ չէ և որև է ուժի մոտ խանդ չպետք է առաջացնի: Թեև ԵԼՔ դաշինքը այդ հանդիպմանը չեր մասնակցում, գործող նախագահի խոսքերը վերաբերվում էին նաև նրանց:
Ոչ իշխանական ուժերը լուրջ երկնտրանքի առջև են կանգնած: Օրինակ , ինչպես կարող է Ծառուկյանի թիմը քվեարկել ապագա հհկ-ական վարչապետ Սերժ Սարգսյանի օգտին, և կողմ չլինել անկուսակցական Արմեն Սարգսյանին : Քաղաքական տեսանկյունից դա կլինի նոնսենս, և հենց այդ հանգամանքը հաշվի առնելով է , որ Սերժ Սարգսյանը խնդրում է Ծառուկյանին քվեարկել Արմեն Սարգսյանի օգտին: Փաստացի գործող նախագահն իր համար է խնդրում Ծառուկյանից: Եվ վերջինս այս հարցում մեծ ընտրության հնարավորություն չունի:
Ինչ վերաբերվում է ԵԼՔ-ին, ապա այստեղ Սերժ Սարգսյանին – վարչապետի պաշտոնում բացառվում է որ քվեարկեն, մինչդեռ Արմեն Սարգսյանի հարցում հնարավոր է , որ տարաձայնություն առաջանա: Օրինակ Էդմոն Մարուքյանը կարող է և կողմ քվեարկել Արմեն Սարգսյանի հարցում, և արդյունքում կարող է ստացվել այնպես, որ Արմեն Սարգսյանը իր ընտրության ժամանակ ավելի շատ ձայն ստանա , քան Սերժ Սարգսյանը:
Այնպես, որ ոչ իշխանական ուժերի պահվացքը իր մեջ շատ իմաստներ կբացահայտի հետապրիլայան հետագա զարգացումների տեսանկյունից:
Հակոբ Կարապետյան
Հետևեք մեզ Facebook-ում