Արցախի հայաթափման քավոր Մակրոնին խիստ ոգևորել է Հայաստանի ոչնչացման հեռանկարը

Ֆրանսիայի նախագահ, Արցախը թուրքին հանձնելու քավոր (Պրահա, 06.10.2022թ.) Էմանուել Մակրոնը հանդես է եկել հայտարարությամբ՝ ողջունելով Հայաստանի և Ադրբեջանի միջև Խաղաղության համաձայնագրի նախագծի տեքստի համաձայնեցման շուրջ բանակցությունների ավարտը:

«Ողջունում եմ Հայաստանի և Ադրբեջանի միջև բանակցությունների ավարտի մասին հայտարարությունը։

Այժմ ոչինչ չի խոչընդոտում Հայաստանի և Ադրբեջանի միջև խաղաղության պայմանագրի ստորագրմանը, որը պետք է ճանապարհ հարթի Հարավային Կովկասում կայուն խաղաղության համար»- նշել է նախագահ Մակրոնը։

Ֆրանսիայի` Եվրոպայի և արտաքին գործերի նախարարությունը նույնպես հայտարարությամբ է հանդես եկել  Հայաստանի և Ադրբեջանի միջև Խաղաղության համաձայնագրի շուրջ բանակցությունների ավարտի կապակցությամբ.

«Ֆրանսիան ողջունում է Հայաստանի և Ադրբեջանի միջև Խաղաղության համաձայնագրի համաձայնեցման շուրջ բանակցությունների ավարտի մասին հայտարարությունը։ Այն հույս է տալիս, որ համաձայնագրի ստորագրումը տեղի կունենա սեղմ ժամկետներում:

Հայաստանի և Ադրբեջանի միջև հարաբերությունների կարգավորումը, որը հիմնված կլինի երկու պետությունների տարածքային ամբողջականության և ինքնիշխանության հարգման վրա, թույլ կտա Հարավային Կովկասին՝ դառնալու խաղաղության, ինտեգրման և համագործակցության տարածք՝ բաց սահմաններով և ի շահ տարածաշրջանի ժողովուրդների»։
Մակրոնը, հարկավ, ոգևորվել է: Իրեն, մեծ հաշվով՝ ի՞նչ հետաքրքիր է, որ դա Հայաստանի ոչնչացման «խաղաղություն» է: Մի 100 տարի հետո մի հատ էլ 21-րդ դարի Հայոց ցեղասպանություն կչանաչեն, կանցնի-կգնա: Ֆրանսիայի կողմից կոտորածի մատնված ու դավաճանված Կիլիկիայի հայության կոտորածը՝ վկա: