Թրամփը նամակ է հղել Իրանի Գերագույն հոգևոր առաջնորդին
ԱՄՆ նախագահ Դոնալդ Թրամփը հայտարարել է, որ ցանկանում է բանակցություններ վարել Իրանի հետ միջուկային համաձայնագրի շուրջ և հինգշաբթի օրը նամակ է ուղարկել Իրանի ղեկավարներին՝ հույս հայտնելով, որ նրանք կհամաձայնեն բանակցությունների:
«Ես ասացի, որ հուսով եմ, որ դուք կբանակցեք, քանի որ դա շատ ավելի լավ կլինի Իրանի համար»,- ասել է Թրամփը Fox Business Network-ին տված հարցազրույցում։
«Կարծում եմ՝ նրանք ցանկանում են ստանալ այս նամակը։ Մյուս այլընտրանքն այն է, որ մենք պետք է ինչ-որ բան անենք, քանի որ չենք կարող թույլ տալ, որ այլ միջուկային զենք հայտնվի»,- ասել է նա, փոխանցում է Reuters-ը։
Հաղորդվում է, որ նամակն ուղղված է Իրանի գերագույն առաջնորդ Ալի Խամենեիին, որում Թրամփը հայտարարել է, որ ցանկանում է բանակցել:
Հետևեք մեզ Facebook-ում