2008-2018 թվականներին քարոզչական կազմակերպված արշավ է եղել երկրորդ նախագահի դեմ․ Աղվան Վարդանյան

«Հայաստան» խմբակցության պատգամավոր Աղվան Վարդանյանը չի մոռացել այն դրվագը, երբ ՀՅԴ-ն նրան հեռացրեց կուսակցությունից՝ Նիկոլի Փաշինյանի օգտին չքվեարկելու համար։ Այս մասին հաղորդում է Aysor.am-ը:

ԱԺ ճեպազրույցների ժամին հարցին, թե ինչո՞ւ է հայտարարում՝ «ՀՀԿ-ն է բերել Նիկոլին» և ոչ՝ ՀՅԴ-ն, և ինչո՞ւ ՀՅԴ-ին չի ասում՝ ներողություն խնդրի Նիկոլին բերելու համար՝ Վարդանյանը պատասխանեց. «Ես սլաքները չեմ ուղղում միայն ՀՀԿ-ի դեմ, նաև այլ ենթաշերտեր կան այնտեղ։ Եվ ՀՀԿ-ից շատ շատերն էլ, եթե իմանային, որ այսպիսին է լիենլու այս իշխանության ավերը, բնականաբար, նման քայլի չէին գնա։ Սխալներ բոլորն են ունենում, պետք է սխալներից դասեր քաղել»։

Նշենք, որ երկրորդ և երրորդ նախագահների կողմնակիցների միջև դիսկուրս է գնում, թե ով է «բերել Նիկոլին»։

«Գլխավոր, հիմնական խնդիրը Նիկոլն է, և հեռացնելը մեր նպատակն է՝ ամեն մեկն իր պատկերցրած ձևով։ Վստահ եմ, որ ո՛չ ՀՀԿ-ի, ո՛չ ՀՅԴ-ի գործողություններում ոչինչ չի փոխվել, այդ օրակարգը մնում է ուժի մեջ՝ առավել արդյունավետ օգտագործելու նպատակով»,-ասաց Վարդանյանը։
Իսկ Yerevan.today-ը մեջբերում է Աղվան Վարդանյանի խոսքը. «2008, 2018 թվականներին կազմակերպված քարոզչական արշավ եղել է երկրորդ նախագահի դեմ: Այդ ամենի հետ կապված ես ուղիղ հարց եմ տվել նաև երրորդ նախագահին, բնականաբար, ասել է, որ ինքը որևէ մասնակցություն այդ ամենին չի ունեցել, բայց ինչ-որ մեկն ունեցել է չէ՞»:
Մանրամասն՝ տեսանյութում: