Ահա այսպես է պետությունը հոգ տանում ու մտածում Գյումրու պատմաճարտարապետական արժեքների մասին
Քաղաքագետ Դերենիկ Մալխասյանը գրում է. «Գյումրու պատմաճարտարապետական կարևոր հուշարձաններից մեկի ողբերգական վիճակն է։ Հատկապես Գյումրու հյուրերի շրջանում ամենահայտնի շենքերից մեկն է՝ «Վառեմ-մարեմի» բակային հատվածն է։ Այս հսկայական շինությունը կառուցվել է 1870-ականներին, պատկանել է Աբովյաններին ու շենքի մի մասը ծառայել է որպես փոստ ու գանձապետարան։ Բայց ավելի շատ հայտնի է դարձել «Մեր մանկության տանգոն» ֆիլմի շնորհիվ։
Շենքը ոչ թե ամեն օր, այլ ամեն ժամ է փլուզվում։ Հազար անգամ այս խնդիրն անդրադարձել եմ, գոնե պետք է կոնսերվացիա արվեր, որ փլուզումը չշարունակվեր։
Բայց պետական այրերը ժամանակ չեն ունեցել նման «մանր» խնդիրներիով զբաղվելու։ Շենքը ուղիղ ցուցիչ է, թե պետությունը ինչպես է վերարբերվում պատմական արժեքներին։ Այս շենքը գտնվում է պետական բալանսի վրա ու հենց կառավարությունն է պատասխանատու, ներկա, թե նախկին, այս շարունակական ողբերգության համար։ Ամեն տարի օդի մեջ մի խոստում տալիս են, թե այս ինչը, կամ այն ինչը վերականգնելու է, բայց․․․
«Մայր Հայաստանի» ուշադրության կենտրոնում լինելու Գյումրու պատմամշակութային ու ճարտարապետական արժեքների պահպանությունն ու խնամքը։ Հստակ ծրագիր կա, թե ինչ անելու, որ Գյումրու պատմական կենտրոնում նման ողբալի տեսարանների ականատես չլինենք։
Գյումրու տուրիզմը զարգացել ու զարգանում է բացառապես պատմական կենտրոնի այս արժեքների շնորհիվ։ Մեր պարտքն է, անկախ ամեն ինչից հոգ տանել մեր նախնինների թողած ժառանգության նկատմամբ»։
Հետևեք մեզ Facebook-ում