ԱՄՆ նախագահ Դոնալդ Թրամփը դադարեցրել է ռազմական օգնությունն Ուկրաինային՝ անցյալ շաբաթ Սպիտակ տանն Ուկրաինայի նախագահ Վլադիմիր Զելենսկու հետ «բախումից» հետո: Այս մասին Reuters-ին ասել է Սպիտակ տան պաշտոնյան՝ անանունության պայմանով:
«Նախագահը հստակ ասել է, որ կենտրոնացած է խաղաղության վրա: Մեզ պետք է, որ մեր գործընկերները նույնպես հավատարիմ լինեն այս նպատակին: Մենք կասեցնում և վերանայում ենք մեր օգնությունը՝ նպաստելու (ուկրաինական ճգնաժամի) կարգավորմանը», — ասել է Սպիտակ տան ներկայացուցիչը։
Միևնույն ժամանակ հստակ տեղեկություն չկա՝ որքան է տևելու օգնության տրամադրման կասեցումը: Պենտագոնը, իր հերթին, մեկնաբանություն չի տվել:
Հիշեցնենք, որ փետրվարի 28-ին Սպիտակ տանը թեժ լեզվակռիվ է տեղի ունեցել Թրամփի, փոխնախագահ Ջեյ Դի Վենսի և Զելենսկու միջև, ինչի հետևանքով Ուկրաինայի ղեկավարը վաղաժամ լքել է Սպիտակ տունը՝ առանց որևէ փաստաթուղթ ստորագրելու: ԱՄՆ նախագահը Զելենսկուն մեղադրել է «երրորդ համաշխարհային պատերազմի հետ խաղաղու, ԱՄՆ-ի օգնությունը չգնահատելու և հրադադար չցանկանալու համար»։ Ավելի ուշ Թրամփը հայտնել է, որ «Զելենսկին պատրաստ չէ խաղաղության»։
Հետևեք մեզ Facebook-ում