Ազատ տնտեսական գոտի ստեղծելու և հարկային ռեժիմի առումով «ազատ քաղաքի» գաղափարները լայն արձագանք են գտել Գյումրիում

«Մայր Հայաստան» շարժման առաջնորդ Անդրանիկ Թևանյանը գրում է. «Գյումրիի ավագանու արտահերթ ընտրություններին «Մայր Հայաստան» դաշինքի ցուցակը գլխավորում է Կարեն Սիմոնյան/Karen Simonyan -ը: Մենք գյումրեցիներին ներկայանալու ենք ինչպես քաղաքի ընթացիկ կառավարման, այնպես էլ հեռանկարային զարգացման ծրագրերով:

Ստորագրահավաքի արդյունքները, օրենքով սահմանված կարգով, կներկայացվեն ապագա ավագանու օրակարգում: Հարցը վերջին հաշվով պետական իշխանության տիրույթում է լուծվելու, բայց գյումրեցիներն ու ավագանին ևս իրենց անելիքն ունեն:

Ինչ վերաբերում է ընտրություններին մասնակցողների դասավորությանը, ապա ակնհայտ հետնապահներին հանած՝ ընտրություններին մասնակցում է քաղաքական երեք հոսանք՝ 1. «Մայր Հայաստան» դաշինքը՝ որպես օրվա իշխանություններին գաղափարապես հակադրվող և ընդդիմադիր նոր ուժ,
2. նախորդ իշխանությունը ներկայացնող ուժերը, որոնք հասկանալի պատճառներով այլ ուժերի անվան տակ են հանդես գալիս,

3. «Քաղաքացիական պայմանագիրը»՝ իր կցորդ «Եվրադաշնքով»:

Գյումրեցիներն արդեն իրենք պետք է որոշեն, թե որ ուղղությամբ են ուզում գնալ:

Հ.Գ. Տեղադրում եմ կիրակի օրը Գյումրիում տեղի ունեցած մեր հավաքում հնչեցրածս ելույթը»:
Ելույթի հղումը՝ 
https://www.facebook.com/watch/?mibextid=wwXIfr&v=1010562397621287&rdid=zP5TCFPT67Z5WA9u