Այսօրվանից ՀՀ-Թուրքիա սահմանի «Մարգարա» անցակետում սահմանային ծառայությունն իրականացվում է ՀՀ Սահմանապահ զորքերով
Փաշինյանի իշխանությունը, պետք է ենթադրել, նախապատրաստում է թուրքերի «խաղաղ» ներխուժումը Հայաստան: Համենայն դեպս, նման առարկայական կասկածների տեղիք է տալիս այն, որ Փաշինյանը սահմանից հեռացրել է ռուական սահմանապահներին և նրանց փոխարինել միայն իր ենթակայության տակ գործող սահմանապահ զորքերով:
Այսօրվանից Հայաստան-Թուրքիա պետական սահմանի «Մարգարա» անցման կետում սահմանային ծառայությունն իրականացվում է բացառապես ՀՀ Սահմանապահ զորքերի ուժերով։ Այս մասին հայտնել է Փաշինյանը:
«ՌԴ ԱԴԾ Սահմանապահ զորքերին երախտագիտությունս եմ հայտնում Հայաստան-Թուրքիա պետական սահմանի այս հատվածում իրականացրած ծառայության համար։ «Մարգարա» սահմանային կետի անցումը ՀՀ Սահմանապահ զորքերի պատասխանատվության ներքո նշանակում է, որ 2025 թվականի մարտի 1-ից Հայաստանի Հանրապետությունից ելք և Հայաստանի Հանրապետություն մուտք գործող բոլոր մարդկանց սահմանային հսկողությունը կիրականացվի բացառապես Հայաստանի Հանրապետության Սահմանապահ զորքերի ուժերով, որովհետև բոլոր այդպիսի (գործող և չգործող) կետերում ծառայություն իրականացնում են միայն ՀՀ Սահմանապահ զորքերը»,- գրել է նա։
Գործնականում, տպավորություն է ստեղծվում, որ Փաշինյանը կատարել է ևս մեկ թշնամական քայլ Ռուսաստանի դեմ ու ևս մեկ հնազանդության քայլ՝ Թուրքիայի հանդեպ:
Հետևեք մեզ Facebook-ում