«Շտապօգնությունով տարան, քիթը ջարդվել է, գլուխը KT են անում»․ Աբովյան փողոցի շենքերից մեկի տանիքից սառույցն ընկել է երիտասարդ անցորդի գլխին (168․am)

Ձմռանը սպասվող ձյունը Երևանի քաղաքային իշխանությունների համար անսպասելի է գալիս․ քաղաքացիներն ահազանգում են՝ ձնամաքրման աշխատանքներն առատ տեղումներից օրեր հետո էլ պատշաճ չեն իրականացվում, չեն մաքրվում մայթերը, շենքերի տանիքներից կախված հսկայական սառցալուլաները ընկնում, վտանգում են քաղաքացիների կյանքը։

«Ո՞վ պետք է մաքրի տանիքների սառույցը․ քաղաքապետարան, թաղապետարան, ի՞նչ գրող է, մարդը մայթով անցնելուց ընկավ գլխին, արյունլվա արեց»,- ահա այս գրառմամբ այսօր արյան հետքերով սառցապատ մայթից լուսանկար էր հրապարակել քաղաքացիներից մեկը։

168․am-ի նկարահանող խումբը միջադեպի հետքերով հասել է Աբովյան փողոց․ բանուկ ու մարդաշատ փողոցում դեռ արյան հետքեր էին․ երիտասարդը, որը տուժել էր տանիքից պոկված սառույցի հարվածից, տեղափոխվել էր հիվանդանոց, իսկ նրան ճանաչողները զայրույթով պատմում էին կատարվածը։

«Այ,  էսքանը լրիվ արյուն էր,- պատմել է  խանութի աշխատակիցներից մեկը, որտեղ եղել էր միջադեպը, իսկ մյուսը հավելել է,- «Քիթն ամբողջովին կոտրված է, հետազոտություններ են անում, գլուխն էլ KT են արե։

Ահավոր վիճակ է․ ոչ մեկի անվտանգությունն ապահովված չէ»։

Անցորդները ևս դժգոհել են  քաղաքապետարանի՝ ձյունն ու սառույցը մաքրելու աշխատանքներից։

Մանրամասն՝ սկզբնաղբյուր կայքում