«ՌԴ-ն և ԱՄՆ-ն կշարունակեն երկխոսությունը»․ ՌԴ ԱԳՆ
Փետրվարի 27-ին Ստամբուլում կայացած խորհրդակցությունների ժամանակ Ռուսաստանն ու Միացյալ Նահանգները պայմանավորվածություն են ձեռք բերել դիվանագիտական առաքելությունների ֆինանսավորման ապահովմանն ուղղված համատեղ քայլերի շուրջ, հաղորդում է ՌԴ ԱԳՆ-ն։ Բացի այդ, կողմերը քննարկել են հարաբերություններում խոչընդոտները հաղթահարելու ուղիները։
ԱԳՆ-ում նշել են, որ երկխոսությունը կշարունակվի ՌԴ ԱԳՆ Հյուսիսատլանտյան դեպարտամենտի տնօրեն Ալեքսանդր Դարչիևի և ԱՄՆ պետքարտուղարի տեղակալ Քոուլթերի միջև։
ՌԴ ԱԳՆ հաղորդագրության մեջ նշվում է նաև, որ ամերիկյան կողմին առաջարկվել է դիտարկել ուղիղ օդային հաղորդակցության վերականգնման հնարավորությունը։