Ջեֆրի Սաքս. Եվրոպան ինքնուրույն քաղաքականություն վարելու անհրաժեշտություն ունի

Ջեֆրի Սաքսը ամերիկացի հայտնի տնտեսագետ է, Կոլումբիայի համալսարանի պրոֆեսոր, որը մասնագիտանում է միջազգային քաղաքականության, տնտեսության և զարգացման հարցերում։
Ջեֆրի Սաքսը վերջին 30-35 տարիների ընթացքում հասցրել է լինել Լեհաստանի, Ռուսաստանի, Ուկրաինայի կառավարությունների խորհրդատու, բացի այդ՝ աշխատել է ՄԱԿ-ի հետ, մասնակցել աշխարհաքաղաքական հարցերի քննարկմանը։
Օրերս Ջեֆրի Սաքսը հայեցակարգային ելույթ է ունեցել Եվրոպական խորհրդարանում և, այսպես ասենք՝ խոշոր վրձնահարվածներով ու մատչելի նկարագրել Միացյալ Նահանգների քաղաքական խորքային մոտեցումների բնութագիրը: Հիշեցրել է Քիսսինջերի խոսքը, որ ԱՄՆ-ի թշնամի լինելը վտանգավոր է, իսկ ԱՄՆ բարեկամ լինելը՝ մահացու: 
Սաքսն ընդգծել է, որ Եվրոպան պետք է ինքնուրույն քաղաքականություն վարել սովորի վերջապես, այլ ոչ թե լինի սոսկ ԱՄՆ հնազանդ կամակատարը: Սաքսը եվրոպական գործիչներին բացատրել է, որ Ռուսաստանն իրենց բնական գործընկերն է, այլ ոչ թե՝ հակառակորդը: 
Համացանցում կան այդ ելույթի տարբեր հղումներ: 
Հաշվի առնելով Այս ելույթի առանձնահատկությունը, «Ժամ.ամ»-ը զետեղում է պրոֆեսորի ելույթի հատվածի տեսանյութը՝ ռուսերեն թարգմանությամբ: 
Իսկ անգլերենին տիրապետողները կարող են Սաքսի ելույթին ու հաջորդած հարցուպատասխանին հետևել ստորև զետեղված յութուբյան հղումով, որ վերցրել ենք հանդիպումը վարող գերմանացի դիվանագետ Միխայիլ ֆոն դեր Շուլենբուրգի  յութուբյան էջից: 
https://www.youtube.com/watch?v=VjcMoDFU1xg