Ինչո՞ւ Հայաստանում հավատարմագրված Ֆրանսիայի դեսպանը որոշեց հենց այս պահին աջակցել Փաշինյանի իշխանությանը

Սովորաբար, այլ երկրների դեսպանները փորձում են զերծ մնալ առաքելության երկրի ներքաղաքական խնդիրների մեջ մտնելուց, որպեսզի չդիտարկվեն այս կամ այն քաղաքական ուժի շահերը պաշտպանող:

Օրինակ, դեսպանները պարբերաբար հանդիպումներ են անցկացնում տարբեր քաղաքական ուժերի ներկայացուցիչների հետ, ինչը հասկանալի է և տրամաբանական: Քանզի ցանկացած դեսպանի նպատակը պիտի լինի իր երկրի համբավը բարձր պահել ողջ ժողովրդի մոտ:

Սակայն Ֆրանսիայի արտակարգ և լիազոր դեսպանը վերջին օրերին որոշեց խախտել այդ ավանդույթը և հանդես եկավ հայտարարությամբ, որտեղ փորձեց անվերապահ աջակցել Փաշինյանին՝ կրկնելով նրա տեսակետը Արցախի կորստի պատճառների վերաբերյալ:

Մասնավորապես, դեսպանը «Ռադիոլուրին»  տվածհարցազրույցում բառացի նշել է հետևյալը. «Իդեպ, Հայաստաննէլընդունելէ, ճանաչելէ, որԼեռնայինՂարաբաղնԱդրբեջանիմասէկազմումԱլմաԱթայիհռչակագրիընդունմանպահիցսկսած, քանիորԼՂ–նՍովետականԱդրբեջանիմիշրջանէր։Հետևաբար, նրանք, ովքերպնդումեն, թեԼեռնայինՂարաբաղնԱդրբեջանիմասէճանաչվել 2022 թվականինՊրահայում, ստումեն, որովհետևԼեռնայինՂարաբաղըՀայաստանիկողմիցԱդրբեջանիմասէճանաչվելԱլմաԱթայիհռչակագրիպահիցսկսած:Իդեպ, Պրահանընդամենըհղումէանում, հիշեցնումէԱլմաԱթայիհռչակագիրը:Եվայսօրհարցըհետևյալնէ՝ինչպե՞սհասնելխաղաղության՝արդար, կայուն, ամուրխաղաղության, որպեսզիվերացվենՀայաստանիվրակախվածսպառնալիքները»:

Փաստացի, դեսպանը հրապարակավ ստում է և դա ներկայացնում է, որպես... ճշմարտություն, այնպես, ինչպես ժամանակին այդպես վարվում էր նացիստական Գերմանիայի պրոպագանդայի նախարար Գեբելսը:

Դեսպանի այս հայտարարությունը այն աստիճանի վիրավորական է, որ նույնիսկ չարժե լուրջ մեկնաբանել՝ բերելով փաստեր: Գոնե այն մասին, որ Ալմա Աթայում Հայաստանը չէր ճանաչել Արցախը Ադրբեջանի մաս:

Ավելին, 2007-ի Մադրիդյան սկզբունքներով, միջազգային հանրության կողմից ճանաչվում էր Արցախի ժողովրդի ինքնորոշման իրավունքի գաղափարը:

Իսկ մինչ այդ, Արցախի կարգավիճակը գնահատվել էր, որպես անորոշ, մինչև որ վերջնական լուծվեր այդ հարցը: Ավելին, Ֆրանսիայի ներկայացուցիչները մեկ անգամ չէ, որ արտահայտվել էին այդ մասին:

Ասել, որ Ֆրանսիայի դեսպանը այս տարրական փաստերի մասին չգիտի, ճիշտ չի լինի:

Պարզապես դեսպանը փորձել է ոչ այնքան Փաշինյանին պաշտպանել, որքան Ֆրանսիայի ներկայիս նախագահ Մակրոնին, ում մեղքը Արցախի ոչնչացման հարցում պակաս չէ Էրդողանից և Ալիևից:

Հենց Մակրոնի աջակցությամբ որոշվեց Արցախի ճակատագիրը 2022-ի հոկտեմբերի 6-ին, որի արդյունքում Արցախը սկզբից բլոկադայի ենթարկվեց, իսկ հետո հայաթափվեց:

Եվ Մակրոնի այս մեղսակցությունը հայ ժողովուրդը երբեք չի մոռանա:

Հենց այդ փաստը ցանկանալով կոծկել՝ դեսպանը փորձում է մոլորեցնել հանրությանը, կրկնելով փաշինյանական ստերը:

Սակայն, ինչպես ասում են,  ցանկացած սուտ հնարավոր է կոծկել  մինչև  40 օր: Իհարկե, այդ 40 օրը սիմվոլիկ բնույթ ունի, օրինակ Գեբելսի սուտը տևեց տարիներ, մինչև որ նացիստական ռեժիմը պարտվեց պատերազմում:

Եվ ահա, Մակրոնի դեսպանի ստի ժամանակն էլ է մոտենում, ինչը ցույց են տալիս Թրամփի վերջին քայլերը Զելենսկու նկատմամբ:

Հենց այդ պատճառով էլ Մակրոնը և նրա տիպի կերպարները սկսել են նյարդայնանալ՝ փորձելով երկարաձգել իրենց քաղաքական ավարտը: Իսկ դրա համար իրենք ամեն կերպ պիտի փորձեն աջակցել այլ երկրների «մակրոններին»:

Բայց   Գերմանիայի ընտրության վերջին արդյունքները, Թրամփի և Պուտինի փորձերը՝ կանխելու երրորդ համաշխարային պատերազմը, վկայում են մեկ բանի մասին. սրանց քաղաքական վերջը մոտենում է, և իրենք փորձելու են ամեն կերպ փչացնել ինչպես երկրների միջև եղած, այնպես էլ՝ միջազգային հարաբերությունները:

Սակայն հայ ժողովուրդը լավ է հասկանում, որ ո՛չ Մակրոնը, ո՛չ էլ նրա դեսպանը չեն ներկայացնում այն իրական Ֆրանսիային և ֆրանսիական ժողովուրդին, և այդ իսկ պատճառով, մեր՝ հայերիս վերաբերմունքը չի փոխվի ֆրանսիացեների նկատմամբ, նման դեսպանների վիրավորական գնահատականներից հետո:

Սա է իրականությունը:

Դավիթ Մկրտչյան
Zham.am