Գերմանիա. Փաշինյանի ևս մեկ աջակից՝ Շոլցը խայտառակ պարտություն կրեց ու կզրկվի կանցլերի պաշտոնից

Գերմանիայի կանցլեր Օլաֆ Շոլցը Բունդեսթագի (խորհրդարանի) արտահերթ  ընտրություններում Գերմանիայի սոցիալ-դեմոկրատական կուսակցության (SPD) արդյունքները պարտություն է անվանել՝ ընդունելով դրա համար իր պատասխանատվությունը։
Մի խոսքով՝ Շոլցն ընդունել է գերմանացիների քվեարկության արդյունքները և հարկադրված կլինի թողնել Գերմանիայի դաշնային կանցլերի (վարչապետի) պաշտոնը: 
Ընտրություններում, ինչպես հաղորդում է ՌԲԿ գործակալությունը, ամենից շատ՝ 28,6 տոկոս քվեներ են սհացել պահպանողականները, ի դեմս ՔԴՄ/ՔՍՄ միության (Քրիստոնեադեմոկրատական միություն և Քիստոնեասոցիալիստական միավորման դաշինքը):  Գերմանիայի հաջորդ կանցլերը, ամենայն հավանականությամբ, կլինի Ֆրիդրիխ Մերցը: 
Երկրորդ տեղում ուլտրա-աջ «Այլընտրանք՝ Գերմանիայի համար» կուսակցությունն է (20,8 %,) իսկ հեռացող կամ ավելի ճիշտ՝ հեռացված Շոլցի կուսակցությունն ընդամենը երրորդ տեղում է (16,4%):  
Ճիշտ է, պետք է նկատել, որ Մերցի գլխավորած դաշինքը Բունդեսթագի ապագա կազմում ճնշող մեծամասնություն չի ունենալու: 

Ինչևէ, դրանք արդեն Գերմանիայի ներքաղաքական գլխացավանքներն են:
Մեզ համար հետաքրքիրն այն է, որ Նիկոլ Փաշինյանի ևս մեկ օտարերկրյա աջակից, ի դեմս Օլաֆ Շոլցի, իշխանազրկվեց: Արձանագրված արդյունքը հաստատում է նաև մեր այն կանխատեսումները, որ աշխարհի առաջատար երկրներում տարածվելու է խորքային փոփոխությունների ալիքը: 

Ի դեպ, ԱՄՆ նախագահ Դոնալդ Թրամփն արդեն շնորհավորել է Գերմանիայի պահպանողականներին: Նա նշել է, որ ընտրությունների արդյունքները արտացոլում են այն, որ գերմանացիները հոգնել էին Շոլցի գլխավորած իշխանության կողմից վարած «ողջամտությունից զուրկ քաղաքականությունից»: 
Zham.am