Նա եղբայր-հորեղբայր էր,ինքս ձևավորվել եմ նրա օրինակով․ Հովհաննես Իշխանյանը՝ Ավետիք Իշխանյանի մասին
«Հայաստանի պարագայում, երբ Սովետական միությունից նոև ենք անկախացել և սկսվել էր անարդարությունների շրջանը՝ լուսանցքից դուրս մնացին գիտակները,քաղաքացիները, որոնք կարող ուժ էին պետության համար, Ավետիք Իշխանյանն ստանձել էր այդ անարդարությունները վերականգնելու աշխատանքները։ Այդ պատճառով էր դարձել իրավապաշտպան։ Այսինքն՝ իր իրավապաշտպան լինելու գիծը թելադրել էր այդ ժամանակաշրջանը» ,- իրավապաշտպան Ավետիք Իշխանյանի հոգեհանգստի ժամանակ ասաց հրապարակախոս Հովհաննես Իշխանյանը՝ Ավետիք Իշխանյանի հոգեհանգստի արարողության ընթացքում։
Նա նշեց, որ իր հորեղբայրը՝ Ավետիք Իշխանյանը մասնագիտությամբ երկրաբան էր և հաջողված երկրաբան, սակայն իրավիճակից ելնելով այլ մասնագիոտություն է ընտրել։
«Ավետիք Իշխանյանն այն քաղաքացին էր, որը պաշտպանում էր այլ քաղաքացիների իրավունքները»,- ասաց Հովհաննես Իշխանյանը՝ շարունակելով․ «Ավետիք Իշխանյանն իմ սիրելի հորեղբայրն էր։ Միասին միշտ հումորներ էինք անում։ Նա էլ իր սիրելի հորեղբայրն ուներ՝ Ռաֆայել Իշխանյանի եղբայրը՝ Վովան, որի ազդեցությունն էր փոխանցվել իրեն։ Նույնն էլ իմ դեպքում։ Նա եղբայր-հորեղբայր էր, շատ հարցերում նրա օրինակով եմ շատ բաներ արել, ինքս ձևավորվել եմ նրա օրինակով։ Բնականաբար նրա ցանկությունները դարձել են մեր ցանկությունները, որոնք շարունակվելու են։ Այս ամենը Ավետիքով չի սկսվել և չի ավարտվել, նա մեծ ներդրում է ունեցել այս ամենում»։
Հիշեցնենք՝ իրավապաշտպան, հասարակական գործիչ Ավետիք Իշխանյանը մահացել է երեկ՝ երկարատև հիվանդությունից հետո 70 տարեկան հասակում:Իրավապաշտպան, հասարակական գործիչ Ավետիք Իշխանյանի հոգեհանգիստը տեղի է ունենում Նուբարաշենի խճուղի 46 հասցեում։
Աղբյուր` Panorama.am
Հետևեք մեզ Facebook-ում