Հայաստանում նախադեպը չունեցող Ֆիլմի փաստահավաքն ու հեղինակը Դերենիկ Մալխասյանն է (լուսանկար)
Հայաստանում նախադեպը չունեցող Ֆիլմի փաստահավաքն ու հեղինակը մեր Դերոն է՝ Դերենիկ Մալխասյանը
Ամեն անգամ հանդիպելն ու զրուցելը Դերենիկի հետ, մեր քաղաքի պատմությունից, ներկայից ու ապագայից, առնվազն ինձ համար, անհայտ կամ կիսահայտնի պատմական անցուդարձերից, իրոք մեծ հաճույք է։
Ես չգիտեմ մեկ այլ անձի, ով այդքան խորն է ուսումնասիրում, ով այդքան ցավ է ապրում մեր քաղաքի անցյալի ցավալի իրադրաձություններից, չգիտեմ մեկ ուրիշին ով այդքան շատ է ձգտում, որ մենք չմոռանանք մեր քաղաքի անցյալի, ինչպես լավ, այնպես էլ տխուր էջերը։
Թերևս դրա վառ վկայությունն է Ալեքսանդրապոլ-Լենինական-Գյումրի խմբի ամենօրյա ակտիվ գործունեությունն ու ազդեցությունը, որի հիմնադիրն ու վարողը Դերենիկն է, մի խումբ, որը դարձել մեր քաղաքի անցյալի և ներկայի ամենահարուստ հանրագիտարանը։
Այսօր կրկին մեր հանդիպումը կարճ չտևեց․․․ կրկնակի անգամ շնորհակալ եմ, որ Դերենիկը «Կեղծ խաղաղության գինը» փաստավավերագրական խաղարկային ֆիլմի, Գյումրիում փետրվարի 21-ի ցուցադրության հրավիրատոմս տրամադրեց։
Ի դեպ այս, Հայաստանում նախադեպը չունեցող Ֆիլմի փաստահավաքն ու հեղինակը մեր Դերոն է՝ Դերենիկ Մալխասյանը:
«Կեղծ խաղաղության գինը» փաստավավերագրական ֆիլմում ներկայացված իրադարձությունները տեղի են ունենում Ալեքսանդրապոլում (Գյումրի) և պատմական Կարսում։
Հետևեք մեզ Facebook-ում