USAID-ին միայն վերջին չորս ամսվա ընթացքում վրացական ընդդիմությանն աջակցել էր ավելի քան 110 մլն դոլարով բայց...

Ինչպես հայտնի է, Վրաստանում ընտրություններից հետո սկսվեցին զանգվածային բնույթի բողոքի ցույցեր, որոնցով ընդդիմությունը վիճարկում էր ընտրության արդյունքները:

Նախկին նախագահ Սալոմե Զուրաբիշվիլին կոչ էր անում արևմտյան երկիրներին՝ չճանաչել այդ ընտրության արդյունքները: Ավելին, եվրոպական կառույցները կոչով դիմեցին՝ անցկացնել նոր ընտրություններ, իսկ գրեթե բոլոր արևմտյան գործիչները կոկորդիլոսի արդյունքներ էին թափում, թե իբր վրաց  հասարակության ձայները «գողացվել են»:

Այսօր արդեն պարզ է դարձել, որ ամերիկյան USAID-ն միայն վերջին չորս ամիսների ընթացքում վրացական ընդդիմությանն աջակցել է ավելի քան 110 մլն դոլարի չափով: Եվ դա մի երկրում, որի բնակչությունը կազմում է մոտ 3.5 մլն մարդ:

Եվ ահա, վերջին օրերին սառը ցնցուղի նման տեղեկատվություն հրապարակվեց, այն էլ արևմտյան սոց. հարցումներով զբաղվող կենտրոնի կողմից:

Ըստ այդ կենտրոնի հարցման, որն իրականացվել էր 2025-ի սկզբին, վրաց հասարակության տրամադրության պատկերը հետևյալ տեսքն է ունեցել:

Այն հարցին, եթե ընտրությունները անցկացվեին այս շաբաթ ո՛ր քաղաքական ուժի կողմ կքվեարկեիք, ստացվել է հետևյալ պատկերը,-

«Վրացական երազանք» - 31,5%;

«Փոփոխությունների կոալիցիա -18 %» ( Սաակաշվիլու նախկին թիմակիցներ)

«Միասնություն հանուն Վրաստանի փրկության» - 8,5%  (Սաակաշվիլու կողմնակիցներ)

«Ուժեղ Վրաստան» – 11%

«Գախարիան՝ Վրաստանի համար» - 9,5%

Այլ քաղաքական ուժերի,- 3.7%

Պատասխանելուց հրաժարվել են ` 18,2%:

Ինչ վերաբերում է նախագահի լեգիտիմ լինելուն, ապա այս հարցում կարծիքները բաժանվել են:

Սալոմե Զուրաբիշվիլիին լեգիտիմ են համարում հարցվածների մոտ 40%, իսկ ներկայիս նախագահ Կավելաշվիլիին 38 %-ը:

Ընդդիմության առաջնորդ են համարում Սալոմե Զուրաբիշվիլիին, իսկ իշխանության մեջ ամենամեծ վարկանիշն ունեն վարչապետ Կոբախիձեն, միլիարդատեր Իվանիշվիլին և Թբիլիսիի քաղաքապետ Քալաձեն:

Ընդ որում, Քալաձեն դրական է ընկալվում ոչ միայն իշխանամետ, այլև չկողմնորոշված և չեզոք զանգվածի մոտ:

Նշենք, որ այս հարցումները անկացրել է ոչ իշխանական կենտրոնը և, նույնիսկ իր հարցումներով, ընդդիմության վարկանիշը չի գերազանցում իշխանությունների վարկանիշին, ինչը ևս մեկ անգամ ապացուցում է, որ նույնիսկ հսկայական գումարներ ներդնելուց հետո էլ, Արևմուտքին այդպես էլ չհաջողվեց վրաց հասարակությանը համոզել, որ իրենք կամովին կատարեն մանրադրամի դեր ռուս-արևմտյան հակամարտության մեջ:

Ի դեպ, պարզվում է Մոլդովայի ներկայիս նախագահ Մայա Սանդուի աջակցության վրա վերջին չորս տարիների ընթացքում ծախսվել է ավելի քան 500 մլն դոլար: Հիշեցնենք, որ Մոլդովայի բնակչությունը մոտ 3.5 մլն-ի  չափ է:

Իսկ թե ինչքան է ծախսվել Նիկոլ Փաշինյանին իշխանության բերելու և պահելու համար,  հայտնի կլինի ոչ հեռու ապագայում:

Հայաստանի մասով մեկ թիվ է դեռ հնչեցվել, համաձայն որի՝ սեքսուալ փոքրամասնություններին աջակցելու համար, միայն ամերիկյան USAID կառույցը ծախսել է ավելի քան 1 մլն դոլար:

Իհարկե Վրաստանի և Մոլդովայի համեմատ դա չնչին գումար է, սակայն հետագա բացահայտումները դեռ առջևում են:

Սա է իրականությունը:

Դավիթ Մկրտչյան
Zham.am