Ավինյանին քաղաքապետ դարձնելով՝ Նիկոլ Փաշինյանն է թքել պետության վրա․ Մանուկ Սուքիասյան (տեսանյութ)

Oragir.News-ի «Օրակարգ» հաղորդաշարի հյուրը Երևանի ավագանու «Մայր Հայաստան» խմբակցության ղեկավար Մանուկ Սուքիասյանն է։

Հարցազրույցի շրջանակներում Մանուկ Սուքիասյանի հետ զրուցել ենք Երևանում հանրային տրանսպորտի ուղեվարձի թանկացման, դրա դեմ շարունակվող բոյկոտի, հանրային տրամադրությունների և ընդդիմության անելիքների, հետագա գործողությունների, ամբողջական իշխանափոխության հասնելու հնարավորությունների, ինչպես նաև օրակարգային մի շարք այլ հարցերի վերաբերյալ։

Մանուկ Սուքիասյանն ընդգծեց, որ պետության վրա Նիկոլ Փաշինյանն է թքել՝ ԱՆԻՖ-ը տապալած Տիգրան Ավինյանին քաղաքապետ դարձնելով։

«Հարց է առաջանում․ բա էտ որակի մարդուն՝ ԱՆԻՖ-ից հետո՝ էն դեպքում, որ քրեական գործի վարույթ էլ կա, ինչի՞ ես բերել, նշանակել տվել, էտ փոքրամասնության ներկայացուցչին՝ հանրության 9%-ի վստահությանն արժանացած մարդուն, ինչի՞ ես բերել, փաթաթել մայրաքաղաքի վզին և պարտադրում ես, որ ասում ես՝ այ գիտեք, իր բերած թանկացումներն ընդունեք։

Այսինքն՝ եթե ԱՆԻՖ-ը տապալած մարդու բերած բարեփոխումը, էն որ դու էլ ես ասում, որ նա տապալվել է, ԱՆԻՖ-ը տապալած մարդու բարեփոխումը որ քաղաքացին մերժում է, դարձա՞վ, որ թքում է պետության վրա։ Էտ դու ես թքում պետության վրա, երբ տապալված մարդուն ԱՆԻՖ-ից հանում, բերում, դնում ես Երևանի քաղաքապետ»,-նկատեց նա։

Մեր զրուցակցի համոզմամբ՝ իշխանականների խուճապը փաստում է, որ տրանսպորտի թանկացման դեմ բոյկոտը հաջողվել է։

Առավել մանրամասն՝ տեսանյութում։