Ոչ միայն լավագույն մարզիկ, ֆուտբոլիստ, այլև իսկապես արժանապատիվ հայ մարդ՝ Հենրիխ Մխիթարյան

Սիրված ու աշխարհահռչակ ֆուտբոլիստ Հենրիխ Մխիթարյանը, որ հանդես է գալիս Միլանի «Ինտերում» չի եկել Հայաստան, մասնակցելու Փաշինյանի հրավիրած պաշտոնական արարողությանը: Կարելի է ասել, որ Հենրիխ Մխիթարյանը բոյկոտել է Նիկոլ Փաշինյանին, ում ուղղորդմամբ, ի դեպ, քպ-ականները 2018-ին ու ոչ միայն այդ ժամանակ նրա նկատմամբ անձնավորված ատելության քարոզ էին իրականացնում: 
Ի տարբերություն մեդալակիր որոշ սպորտսմենների, որ գնացել ու սեղմել են Արցախը թուրքին հանձնած Փաշինյանի ձեռքը, Հենրիխ Մխիթարյանը այդպիսով մնացել է իր բարձրության վրա ու դա չի արել: Հիշեցնենք, որ ավելի վաղ նման արժանապատիվ ու իրապես հարգանքի արժանի վարք էր դրսևորել նաև անվանի հայ շախմատիստ Գաբրիել Սարգսյանը:

ArmLur.am-ը պաշտոնական աղբյուրներից տեղեկացել է, որ աշխարհահռչակ ֆուտբոլիստ Հենրիխ Մխիթարյանը, ով իր՝ 2022 թվականի մարտի 3-ի հայտարարության համաձայն լքեց Հայաստանը, չի եկել անգամ պետական պարգև ստանալու: Իշխանությունները չեն կարողացել նրան Հայաստան բերել:

Այսպիսով, հաջողակ և հայրենասեր ֆուտբոլիստ Հենրիխ Մխիթարյանը հրաժարվել է գալ Հայաստան ու մասնակցել 2024 թվականի ՀՀ լավագույն մարզիկների պարգևատրման արարողությանը: Ֆուտբոլիստը, հիշեցնենք՝ երկու տարի առաջ հայտարարեց, որ Հայաստանի ազգային հավաքականում ավարտում է կարիերան` հեռանալով Հայաստանից, քանի որ ո՛չ Մխիթարյանի, ո՛չ նրա մոր` Մարինա Թաշչյանի նկատմամբ ՀՀ Ֆուտբոլի ֆեդերացիայի նախագահ Արմեն Մելիքբեկյանն ու նրա թիմակիցները լավ վերաբերմունք չցուցաբերեցին` հեռացնելով անգամ ՀՖՖ գործկոմից:

Եւ այսքանից հետո Հենրիխ Մխիթարյանը փաստացի մերժել է Նիկոլ Փաշինյանին ու նրա իշխանությանը` չգալով և անգամ ներկայացուցիչ չուղարկելով, որ իր փոխարեն ստանա պետական պարգևը:

ArmLur.am-ը այս մասին փաստող նաեւ կադրեր գտավ հենց պաշտոնական հաղորդագրության մեջ: Կառավարության պաշտոնական հոլովակում ասվում է, որ Մխիթարյանը լավագույնն է հռչակվել առցանց քվեարկությամբ, սակայն գործադիրը փաստացի չի կարողացել գտնել նրան, խնդրել, համոզել, որ գա Հայաստան:

Արդյունքում, Նիկոլ Փաշինյանը հնարավորություն չի ունեցել պահանջված ֆուտբոլիստին հանձնել պարգևը:

Մանրամասները՝ տեսանյութում։