Բաց նամակ Կարեն Կարապետյանին
Բաց նամակ ՀՀ վարչապետ Կարեն Կարապետյանին
Հարգարժա՛ն պ-ն վարչապետ,
հետևելով պետություն-հասարակություն ակտիվ կապի պահպանման, խնդիրների մասին փոխադարձ ազդակների և լուծումների առաջարկների ներկայացման Ձեր որդեգրած աշխատելաոճի գաղափարախոսությանը՝ ուզում եմ այդպիսի մեկի մասին բարձրաձայնել: Արդեն ինչքան ժամանակ է, որ Երևան քաղաքի կայանատեղիների համար սահմանված է վճար, որը տալու կամ չտալու հարցը որոշում է վարորդ քաղաքացին: Ես ընտրել եմ չվճարելու տարբերակը:
Սակայն, ժամանակ առ ժամանակ ստանում եմ ակտեր, որոնց մեջ նշված բողոքարկման ժամկետում և տեղում ներկայանալով՝ պահանջում եմ խախտումն ապացուցող տեսահոլովակները, սակայն ոչ մի անգամ չեմ ստանում: Արդյունքում ակտերը բեկանվում են: Արդյունքում կորցնում եմ իմ թանկ ժամանակն ու նյարդերը, ու հարբերությունս հատել է արդեն: Ու ինձ պես շատերը:
Դրսում 21-րդ դարն է, ավտոմատացումը արդեն փոխարինում է մարդուն նույնիսկ մեքենա վարելու համար, իսկ մենք չենք կարող անում, ավելի շուտ՝ չենք ուզում գոնե այնպես անել, որ մարդուն խախտում ուղարկեն, եթե կա ապացույց, այսինքն՝ նախքան ակտերն ուղարկելը, գոնե զտվեն որոշակի հիմք ունեցողները:
Խնդրում եմ միջոցներ ձեռնարկել, այս խայտառակությանը վերջ տալու համար: 21-րդ դարն է արդեն: Հավատով սպասում եմ շոշափելի արդյունքների:
ՀՀ քաղաքացի՝ Արամայիս Մարգարյան