Քաղաքային 2,5-միավորանոց իշխանությունը թանկացրեց քաղաքային տրանսպորտը. Տիգրան Ավինյանի հույսը ծախված «շնիկն» է

Երևանի ավագանու նիստը թեժ էր: Տիգրան Ավինյանն ու քույր կառույցը՝ «Հանրապետությունը», ասելիք չունեին, քանզի «Մայր Հայաստանի» հարցադրումները թալանի բացահայտման մասով անհերքելի էին: Դա էր պատճառը, որ Տիգրան Ավինյանի նյարդերը տեղի տվեցին ու նա սադրեց: Սադրանքին հետևեց քաշքշոցն ու կարմիր բերետավորների մուտքը ավագանու նիստերի դահլիճ:

«Մայր Հայաստանի» ավագանու անդամ Սամվել Հակոբյանին բերետավորներն ապօրինաբար դուրս հանեցին: Բնականար էր, որ դա դիմադրության էր հանդիպելու «Մայր Հայաստանի» թիմի կողմից: Մնացածն արդեն բոլորը տեսել են:

Ավինյանն ու կցվածները հաստատեցին թանկացումը՝ մեկ անգամյա ուղևորությունը դարձնելով 150 դրամ, բայց դա ոչ թե նահանջ էր մինչև 300 դրամ թանկացումից, այլ հանրային դժգոհությունը մեղմելու փորձ: Սա ցույց է տալիս, որ իրենք վախենում են հանրային ընդվզումից ու բոյկոտից: Հենց տեսան, որ քաղաքացին մարսում է թանկացումը, լկտիանալու են ու կրկին գնան թանկացումների: Ճիշտը, հետևաբար, բոյկոտելն է և է՛ս գլխից թանկացումների դեմն առնելը:

Ի դեպ, մեր քաղաքացիները պետք է իմանան, որ Տիգրան Ավինյանն ու Վազգեն Սարգսյանի անունը բիզնես դարձրած Արամ Սարգսյանի «Հանրապետությունը» չէին կարողանա բոլոր թանկացումները գլուխ բերել, եթե չունենային «Հանրային ձայն» խմբակցության ծախված ներկայացուցչին՝ Վահան Ավագյանին ու դրա հետի էն անիմաստ տղային: Վահանը դարձել է Ավինյանի ձեռքի «շնիկը» և քաղաքացիների գլխին թանկացումներ բերող բազմակի օգտագործման «ռեզինը»: Եթե սույն «շնիկի» քվեարկությունը չլինի, ապա ՔՊԿ-ն ու քույր կառույցը չեն ունենա մեծամասնություն: Եվ ուրեմն, մեր քաղաքացիները պետք է իմանան, թե ով է այս ծախվածը:

Հայկ Ուսունց
7or.am