Արմեն Ջիգարխանյանի նախկին կինը պնդում է, թե Ջիգարխանյանի դուստրը ինքնասպան է եղել

Արմեն Ջիգարխանյանի միակ դուստրը` Ելենան, մահացել է 30 տարի առաջ: Այն ժամանակ միջադեպը դժբախտ պատահար համարեցին: Սակայն դերասանի նախկին կինը՝ Վիտալինա Ցիմբալյուկ-Ռոմանովսկայան, իր սեփական վարկածն ունի այն մասին, թե ինչ էր տեղի ունեցել Արմեն Ջիգարխանյանի դստեր հետ, հայտնում է Cosmo.ru-ն :

«Նա մահացել է 23 տարեկանում: Ես մի քանի անգամ առաջարկել եմ Ջիգարխանյանին այցելել աղջկա գերեզմանը, սակայն նա միշտ սկսում էր նյարդայնանալ եւ փոխում էր խոսակցության թեման: Ելենայի մասին ինձ պատմել են նաեւ նրա հարազատները: Ես չեմ բացառում, որ նման արձագանքը մեղքի զգացմունքի դրսեւորում է», - ասել է դաշնակահարուհին:

Ցիմբալյուկ-Ռոմանովսկայան վստահ է, որ դերասանի դուստրը ինքնասպան է եղել: Ըստ նրա՝ այդ հուսահատ քայլին աղջկան դրդել է սեփական ընտանիքը:

Ընդ որում, Ցիմբալյուկ-Ռոմանովսկայան խոստովանում է, որ չգիտի, թե որն է եղել ողբերգության իրական պատճառը:

Zham.am