Հայտարարագրման նպատակը քաղաքացուց փող քերելն ու ահաբեկումն է. Նաիրի Սարգսյան
Աուդիտորների պալատի նախագահ Նաիրի Սարգսյանը «5-րդ ալիքի» «Օրագիր» ծրագրին տված հարցազրույցում նկատում է, որ չի լսել գեթ մեկ հոդաբաշխ հիմնավորում, թե ինչու պետք է տրանսպորտը թանկանա, նպատակը Երեւանի եւ պետական բյուջեն լցնելն է:
Հարցազրույցի հիմնական թեզերն ու շեշտադրումները.
Սպասվում են տրանսպորտի երթուղային գծի կրճատումներ, որ մարդը մի քանի տրանսպորտից օգտվի եւ 300 դրամը մնա ուժի մեջ:
Առաջիկայում էլի հետքայլ կլինի, փետրվարի 1-ից խնդիրը կդառնա առարկայական:
Քաղաքակիրթ երկրներում հայտարարագրման նպատակն այլ է:
Սկսած տեխնիկական խնդիրներից մինչեւ քրեական պատասխանատվոթյուն՝ բոլոր խնդիրներին մարդիկ առերեսվելու են:
Էլեկտրոնային ստորագրության ինքնարժեքը 30 դրամ է:
Հարգելի՛ քաղաքացիներ, չօգտվեք հայտարարագիր լրացնող ծառայություններից, վտանգավոր է:
Չհարկվող եկամուտները պետք է փաստաթղթավորում ունենան:
Թիվ մեկ բարձրաստիճան պաշտոնյան սուտ է խոսում, երբ ասում է՝ մինչեւ 300 հազարը չեք հարկվելու:
Արտագնա աշխատանքի մեկնողները արդեն կմտածեն՝ գան, հարկ վճարեն, թե՞ ընտանիքը տեղափոխեն:
Աղքատության 40 տոկոս ցուցանիշով երկրում այս մեխանիզմն անթույլատրելի է:
Այդ ինչպե՞ս է ստացվում, որ քաղաքացին պետք է ամեն ինչ ձեզ ցույց տա, բայց դուք թափանցիկ չեք:
Հայտարարագրման նպատակը հասարակությանը քաղաքական ահաբեկումն է: