Արամ Վարդևանյանն ու դատախազը վիճաբանեցին

«Որ դուք ակնկալել եք ոստիկանության Շենգավիթի բաժնի պետի կարգադրությունը, սա ընկալելի չէ։ Այդ զեկուցագիրը հիմք է հանդիսացել քրեական հետապնդման հարուցման, Լևոն Քոչարյանին մեղադրանք առաջադրելու, կալանավորելու, ամեն ինչ էդտեղից է սկսում։ Ի՞նչ կարգադրություն էիք ակնկալում ոստիկանության Շենգավիթի բաժնի պետից, ի՞նչ կարգադրություն կարող էր տալ ձեզ էս զեկուցագրի վերաբերյալ»,- Լևոն Քոչարյանի և Սերգեյ Ասատուրովի վերաբերյալ դատական նիստի ժամանակ այսպես կոչված տուժող Հրաչիկ Խաչատրյանին հարցրեց Լևոն Քոչարյանի փաստաբան Արամ Վարդևանյանը։

«Երբ ես գրություն եմ գրում դատարանին, վերջում գրում եմ «հարգանքով՝ Արամ Վարդևանյան»։ Եթե ինձ մեկը հարցնի՝ ինչու եմ գրում, որովհետև հարգանք ունեմ դատարանի նկատմամբ, դրա համար էլ գրում եմ «հարգանքով»։ Եթե մի դատարան է, որն ինձ համար բացարկման ենթակա է, ներքևում չեմ գրում «հարգանքով», գրում եմ ուղղակի Արամ Վարդևանյան և ներքևը ստորագրում եմ։ Ուզում եմ հասկանալ՝ դա դուք ձևական գրո՞ւմ եք, թե՞ ձեզ համար ձևական չէ, ակնկալում եք ինչ-որ կարգադրություն»,- հարցրեց Արամ Վարդևանյանը

Դատախազ Արթուր Դանիելյանն առարկեց՝ ասելով, որ տուժողը չի կարող պատասխանել հարցին։ Դա պատճառ հանդիսացավ Վարդևանյանի և դատախազի միջև վիճաբանության։

• Դատախազը չի կարղ ասել տուժողին մի պատասխանեք էդ հարցին։ Դա մեղադրողի ի՞նչ կարգավիճակից բխող բան է՝ տուժողին ասի պատասխանի, թե մի պատասխանի։ Դա միայն դատարանը կարող որոշել։
• Դա դատավարական ընթացակարգով է նախատեսված, որ չպատասխանի։
• Տենց ընթացակարգ էդպես էլ չգտանք։
• Քրեադատավարական օրենսգիրքը ավելի մանրամասն ուսումնասիրեք։
• Ակնկալում եմ՝ հլը դուք մանրամասն ներկայացրեք։
• Ես շատ լավ մանրամասն ներկայացրեցի։
• Դե հղում տվեք նորմին մինչև ասելը։

Դատավոր Ֆարխոյանը անընդհատ կոչ էր անում կարգուկանոն պահպանել։

Այսպես կոչված տուժող ոստիկանը հարցին պատասխանեց, որ դա ընթացակարգ է, սակայն չկարողացավ պատասխանել, թե ինչ ընթացակարգ է։

Նշենք, որ ոստիկանության կարմիր բերետավորը հարցերի մեծ մասին չի կարողանում պատշաճ պատասխան տալ և գրեթե մշտապես նրան օգնության են հասնում դատախազները՝ ներկայացնելով առարկություն։

Մանրամասները՝ Yerevan.today-ի տեսանյութում։